كلمات عن الزهق , كلام عن الزهق
طفشت من زود الحكي بالقروبّات
غادرت من زود الطفش رجّعوني
الواتس مايرتاح في كل الاوقات
حتى وانا بوقت الصلاة اشغلوني
ياناس وش هذي المصيبه وبالذات ؟
ما ريّحوا انفسهم .. ولا ريّحــوني
الواتس ماكوّن محبه وصداقات
ولا عمل طيّب وخالف ظنوني
ماغير اوجد بالصداقه خـــلافات
ان قلت رايي بالصراحه اغضبوني
ياما قطع بين الاقــارب علاقات
وجاوز بهم لآخر حدود الجنوني
قالو تواصل والتواصل خـــرافات
ماعاد يجيني ناس كانوا يجوني
بارجع لبو كشاف سهل المهمات
والشحن خمسه ايام ماينقصوني
خالي من الوتساب مايعرف الشات
عايش على الفطره وطيّب حنوني
