يالجوهره ودي انظم فيك منظومه

يالجوهره ودي انظم فيك منظومه

مرصعه بالذهب والماس والفضهوحقوقها ثابته ماهي بمهضومه
مبتديه بالنفل والعود والعنبروبالورد والمستكا والمسك مختومه
بين الشطر والشطر والبيت الثانيفله وريحانه وورده ويشمومه
كله لعيناك لبى والله عيونكنجلا هدبها تجاهي يرسل سهومه
سود مظاليل لاترحم ولا تاويكنها عيون النداوي لانوى الحومه
نظراتها تطلق المسجون من سجنهوارماشها يفجع النوام من نومه
والطول والعرض والمنتوق والقامهتجذبك في الجلسه وتجذبك في القومه
مثل الفرس في مسيرتها ووقفتهاتمشي على الارض كن الارض ملغومه
وان جات للطيب والاخلاق والرفعهوصايفك في بنات الجيل معدومه
وان جات للكبر والزومات والزمهمافيك كبره ولا زمه ولا زومه
وان جات للبس والموضات والكشخهكنك على الستر والناموس معزومه
من كثر حشمتش سموك العرب حشمهويدلعونك بعض الاحيان محشومه
عز الله انك هواي وغاية مراديماالوم قلب تولع فيك ما الومه
من يوم شفتك وانا ميت على شوفكشوفتك تجلي عماس الراس وهمومه
تكفين لاتحرميني لاحرمك اللهمن شوفة بالوفاء والود مدعومه
الاوله واجبه والثانيه سنهوالثالثه سلم شيخ تعرف سلومه
ماني براعي علوم مالها داعييسعى ورا الذنب لين يحقق حلومه
نبغى النقا والشرف والطهر والعفهاربع وفي غيرها مانتي بملزومه
فان كان ودك فانا والله بعد وديبطب في السوق الاقصى وافرق السومه
وان كان عزومك تسوقك على غيرييامكثر اللي علي تسوقه عزومه
ماياخذ العبد رزق ماهوب برزقهوان مات ماهو بمتوفي قبل يومه

مقالات ذات صلة

زر الذهاب إلى الأعلى