ياجرحي استأذنك بنام لي ساعـﮧ

ياجرحي استأذنك بنام لي ساعـﮧ
وارجوك دخيل الله لاتصحّيني
●●●
لي خمسـﮧ ايام اعيش السّمع والطّاعـﮧ
ولك خمسـﮧ ايام تامرني وتنهيني
●●●
والمشكلـﮧ جت أوردة الفؤاد فزّاعّـﮧ
مايكفي انك سرقت السبات من عيني
●●●
اصبحت انا القاز وانت امسيت ولاّعـﮧ
شبيتني يلعن اهلك وش يطفّيني
●●●
دكتور وممرضـﮧ وابره وسمّاعـﮧ

في جميع ليله ولايدرون وش فيني
●●●
ياسيدي الجرح قلبي يشتكي راعـﮧ
لا الذنب ذنبي ولا الموضوع بيديني
●●●
حبيت واخلصت واثر الحب فقّاعـﮧ
روّح وباقي يموتني ويحييني
●●●
غيري هدر دم عشق وللاسف باعـﮧ
غيري قتل كل حب بحد سكيّني
●●●
وانا الي اصبحت للأخطاء شمّاعـﮧ
وادفع ثمن كل غلطه من محبيني
●●●
قبلي في العشق ناس وتشكي اوجاعـﮧ
صرحوا متاهـﮧ وانا جيتـﮧ برجليني
●●●
بدايته سلسلـﮧ والنّفس طمّاعـﮧ
اغراني ادري ولا في شي يغريني
●●●
واليوم لو قلت يااهل الحب وطباعـﮧ
انتوا على دينكم وانا على ديني
●●●
اجبرني الجرح اعيش السّمع والطّاعـﮧ
حتى ولو قلت له ياجرحي اعفيني
●●●
من خمسة ايام وانا في رجا ساعـﮧ
وان جيت بنامها جرحي يصحّيني
●●●