وعادت النكهة لمدرجات الممتاز.. بقلم بابكر سلك
السودان اليوم:
> عادت موردة الحضارة للممتاز
> فعادت النكهة لمدرجات الممتاز
> الموردة للذين يجهلون تاريخها
> افتتحت إستادها قبل ما الهلال يحفر ساس الزريبة
> وهذا يكفيها لإثبات أنها ليست فريق حي كما يدعي البعض
> او كما يظن الذين يجهلون تاريخ الرياضة بالسودان
> وعندما تنشد جماهير الموردة
> موردة حضارة
> فإنها تعي ما تقول
> وتقصد ما تنشد
> وتظل موردة حضارة ما بقي التاريخ يفتح صفحاته لتدوين الحقائق
> مبروك للموردة أول تلاتة نقاط بالممتاز
> وعقبال النقطة الستين
> المهم
> أمس لعبنا ضد الخرطوم الوطني
> كان الاستحواذ لنا
> ولكن سوء الطالع من ناحية والشفقة من ناحية اخرى
> اضاعا علينا اهداف بالجملة
> لازمنا سوء الطالع في تهديفتين لرمضان
> وأضعنا ركلة جزاء بسبب التنفيذ بثقة مفرطة
> والأنانية في بعض الفرص
> لكن لعبنا بأطراف مشلووولة
> التاج ياها طريقتو
> لكن حقار يحتاج لإعادة نظر
> الزول ده مااااظنيتو
> المهم
> خسرنا أول نقطتين في الافتتاحية
> وكان بالإمكان افضل مما كان
> على الاقل فاتحة شهية للجماهير الوفية
> والعزاء
> أن فقدان النقطتين كان في هذه المرحلة الأولى
> الجمهور لو فوت ليكم دي
> ما بفوت ليكم غيرها
> ولن يرحمكم في مرحلة النخبة
> نطالب الاولاد بمزيد من الجدية
> وعلى ميدو أن يبتعد عن تنفيذ ركلات الجزاء
> على الأقل في المرحلة الحالية
> عموماً
> الكورة ما كانت بطالة
> بس افتقدنا القائد الميداني
> افتقدنا العقرب
> زول يؤدي باحترافية
> ويصنع الأهداف والدهشة
> لكن حقار
> مااااا ظنيتو
> وتظل مشكلتنا في الطرف الشمال مزمنة
> الطرف الحريف دفاعياً ضعيف
> والطرف العنيف لادفاعياً نضيف ولاهجومياً خفيف
> بس زول لابس فنيلة وقاعد
> والحتة دي بتثبت التخبط إبان الانتقالات
> لكن بصراحة
> حقار ده ماااااظنيتو
> ياميدو
> يا الود البنريدو
> سئمنا رسائل خدمة المريخ موبايل التي تصلنا
> طووووووالي
> المريخ يسقط في فخ التعادل ومحمد عبد الرحمن يهدر ضربة جزاء
> ياهي كترت
> يا انت كترتها
> ولكن تظل ميدو البنريدو كيتاً على فطومة اختي
> ايها الناس
> تاني من بلدنا رحل زول جميل
> مولانا البروف حيدر احمد دفع الله
> رحيله يشكل فجوة كبيرة في دنيا الحياة القانونية بالبلد
> نعزي أنفسنا قبل أن نعزي أهله وعديلة حسن بسبوسة
> ولن نقول إلا ما يرضي الله
> «إنا لله وإنا إليه راجعون»
> ايها الناس
> إن تنصروا الله ينصركم
> آها
> نجي لي شمارات والي الخرتوم
> كان شفت يا والينا
> أب شنب الجبتوهوا معتمد لينا
> زول ميداني يا والينا
> محل ما تتلفت تلقاهو حايم فينا
> جميع أولاد قلبا يكبرون مجهوداته لينا
> بس خلوهوا شوية يا والينا
سلك كهربا
ننساك كيف والكلب قال بدون قوانين رادعة ورقابة شديدة وتغيير معظم الكوادر القديمة ام در لابتنضف ولا مجهوداتكم ببقى ليها قيمة
والي لقاء
سلك