نسناس العصير
نسناس العصير
ماحلاياعمـاد لاهـب نسنـاس العصـيـر
فـي ديـا رٍ دوب وبـل المخيلـه علـهـا
وقبلها بسبـوع مطـرت وماطرهـا غزيـر
ودوبها محـدٍ مـن اهـل المواشـي دلهـا
مامشاهـا أللـي يـدور لاشـاه ولابعـيـر
ولا حرثهـا راعـي المزرعـه واحتلـهـا
والله ان كنك تمشـى علـى قطعـة حريـر
كـن عينـك تشـرب الارض وتقبـل لهـا
كـن مالـك فـي هـذا ألأرض ندولاخشيـر
لة طلبت اغلا المطاليـب جـت فـي حلهـا
وبانت الخضره على الماء على الوجه السفير
الثـلاث اللـي يقولونهـا جــت كلـهـا
وانت جالس بين روض الخزامـا والغديـر
النـجـوم الحافـهـا والخـزامـا زلـهـا
ومعك خمسه من هل الراى والسيف الشطير
لابـةٍ قــدرك وديـنـك ودلــك دلـهـا
كـن واحدهـم بجنبـك مبشرلـه بخـيـر
السـوالـف طيـبـه والاحـجـه فلـهـا
والله ما يعقد حجاجه والـو مهمـا يصيـر
هرجتـه ترسـل لقلبـك وهـو يرسلـهـا
مـن نضيفيـن السجايـا مكرمـة القطيـر
ترتفـع عـن هـزل الاقـوال مـا تنزلهـا
ومن ادبهم تحسـب انـك تنصبـت ألأميـر
الحفـاوه دلـهـا والا دب طـبـع الـهـا
بيـن عذبـات الحدايـا وذعـذاع العبـيـر
لو غـدى مالـك همايـا تقـول افـدً لهـا
خير من قـوم الضعافـه مخيّلـت الصفيـر
العبـاد الـلـي كـبـود العـبـاد تعلـهـا
كـن واحدهـم بقلبـه مـولـع زمهـريـر
ليـت عميـان البصايـر تمـوت بغلـهـا
قلبه اقشر عابس اسـود عبـوسٍ قمطريـر
القلـوب السـود تكـره ولــو زولّـهـا
الله إنــه لايمسـيـه بالخـيـر الوفـيـر
من يخـاوي خطـو الانـذال ويطبـل لهـا
ودعوة المسلم على الخيـر كالبـدر المنيـر
وأنـت كفـوٍ للمهمـه وانـا كفـوٍ لـهـا
قول للي يعـرف الشـار ويطيـع الشويـر
لا يخاوي اهل المعاصـي يقـول ارضٍ لهـا
خـوةٍ ماهـي علـى عـز مبناهـا خطيـر
خلهـا للـي عـلـى مستـواهـا خلـهـا
وخـوة الرديـان شجـره ومنبتهـا حقيـر
في نهـار القيـض مـا تستريـح ابغلهـا
ومن سرح في القيض من غير قربه لو يطير
ما ضوى الانه لقـي اللـي عروقـه بلهـا
والعلـوم الهينـه حبلهـا دايـم قصـيـر
تتعـب الجهـال واهـل العقـول اتملـهـا
والعلـوم الغاليـه شانهـا شـانٍ كبـيـر
من غلاهـا كـل عاقـل يبـا يفطـن لهـا
والمراجـل سلعـةٍ دربـهـا دربٍ عسـيـر
قمـةٍ مـا كـل واحـد يبـا يـا صلـهـا
منلاغبر شاربه فـي عنـى الوقـت ألأخيـر
مـا يدسـم شاربـه والمـراجـل زلـهـا
حسب معرفتي وكلن علـى نفسـه بصيـر
قلتهـا واللـي يعـقـد الحـبـال يحلـهـا