نحو الكرامه ابيعك ..

مافي داعي على فرقاك تجبرني
حتى الجفا منك ولعني وحبيته
الجرح عدى وقته..لاتذكرني
هذاك وقت تعذرته وجافيته
لو شفت دمع القصايد كان تعذرني
اعتقاد ان الشعر يضحكك وبكيته
ماغيروني ياكووود الله يغييرني
كم واحد يبعدني عنك ورديته
وفيت وادري ان وفايه مايصغرني
صوبت يم المقصد إلا أن اخطيته
من طار سرب الغلا .. والشوق طيرني
كن ماعلى الارض واحد ماتعديته
ابنشغل في عيونك لاتدورني
ودي بشي اشوفه مابعد جيته
خليت قلبي معك والله يصبرني
مبطي وانا اقول قلبي وين خليته

العام يوم الوعد تسبق وتنتظرني
مستغرب وشلون هالموعد تناسيته
وين انت رايح ولاكنك معبرني
ماكني اللي على العام تمنيته
لاصارت هذي علومك راح تخسرني
ماعمر احد راح من كيفه وناديته
نحو الكرامه ابيعك وانت خابرني
الله وكيلك تشاهد كل شي مريته
كانه هجر ..بالسلامه ..روح ..واهجرني
اخووي لاصد عني ماترجيته

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى