من حضرتك للشاعر عطا الله فرحان
مايجتمع بالحـب صادق وكــذاب
رزقي على الله وإنت رزقك على الله
سـوا اللي براسك لاتـذكر أسباب
لاصرت بايعني توكـل على اللــه
مابيني وبينـك مشـاريه وعتـاب
شوف دربك اللي جيــت منه تدله
ماراح تغلبني لو الحــب غــلاب
من حضرتــك عشان قلـبي تذلــه
في ذمتي لجعلك عبـره للاحبـاب
ليـن الخلـي يتوب عن جرح خلـه
زلاتك اللي مانفع فيها إحســاب
لاجيت اعددهـن ثمانييـن زلـــه
أحرجتني بين القرايـب والاحباب
كن الجفـــا سيف بوجهي تسلــه
ماكنت أقصر فيك من كثر الاعجاب
يومـك تساوي عندي الكون كلــه
كنت القـريب كلهم كانوا أغراب
حتى القمــر لاغاب شفتك محلــه
خلاص لا ترجع ترى خاطـري طـــاب
اللي طرا اللي كنت عايـش بظلـه
رووح واعتبرني احـد اذنب وتاب
ماني بثــوب تلبسه ثم تملــــه