مقال عن اليوم الوطني السعودي ، تعبير عن اليوم الوطنى
مقال عن اليوم الوطني السعودي ، تعبير عن اليوم الوطنى 25992.imgcache
وفى عيد الوطن ننظم من الشعر الفريـد عقـود
من الـدر النفيـس ولولـو المعنـى ومرجانـه
يحق لنا الفخر لجل الوطن ولنـا الوفـا معهـود
نبـى نظهـر تعابيـر الفـرح ونغنـى الحانـه
مية عام ووطنـا لـلا مـام وكلنـا لـه جنـود
نغنـى لـه طـرب وتـردد القـوات طربانـه
مية عام وحكى التاريخ عن مجد بنـوه جـدود
علـى عـز وكرامـه ثبتـوا بالحـق سيسانـه
مية عام امرنـا شـورى ولا سيـد ولامسيـود
رضانا من قضانـا يـوم اقـر العـدل ميزانـه
هذا بيت. الله له المسلميـن بكـل عـام وفـود
وهذا مسجد رسول الله وقبره باطهـر اوطانـه
وهذا الامن الغذائى والوقائـى عندنـا موجـود
ولا تلقـاه فـى كـل الـدول علـم ببرهـانـه
انا اقول الحقيقـه والسعـودى دائمـا محسـود
عسى الحاسد يموت بحسرته ويمـوت باظغانـه
مية عام امن واستقرار وانجاز وفـرح وسعـود
وولى الظلـم عنـا والجهـل والفقـر وازمانـه
مية عام ولنا حاضر من الماضى عليـه شهـود
فتوحـات وبطـولات و وطنـا عالـى شانـه
وعشنا فيه توحيد وبنا واصـلاح عشـر عقـود
على درب المؤسس جعـل دار الخلـد مسكانـه
الا يالله الا يالله الايالله يــامــقــصــود
نقول امين جعلـه فـى جنـان الله ورضوانـه
هذا عبد العزيز اللى صنع تاريخنـا المرصـود
وترى ماهو غريـب يخلـد التاريـخ شجعانـه
هذا عبد العزيـز موحـد الامـه بـدون قيـود
بعـد كبـر وهلـل واستـرد لحكـم جـدانـه
فتح نجد وبنا مجد ونشـر علـم واقـام حـدود
دحر ظلم ونشر سلم وصبر لين الوطـن صانـه
بعد ماكان سلب ونهب ظلم وطـارد ومطـرود
طلع صقر الجزيره وامن الديـره مـن ايمانـه
وعلى نهج الرسول المصطفى عشنا والامن يسود
واساس الحكـم فينـا شـرع خالقنـا وقرانـه
بعد ذاك الهجـاد الملـك لله ثـم لابـن سعـود
صدح فيها من المصمك بعد ما مـات عجلانـه
وبانت شمس نجد ونورت عقب الليـال السـود
وعم الخير فـى كـل البـلاد وشـاد عمرانـه
ونصره الله وهو للنصر من رب الملا موعـود
وترى من ينصر الله ينصـره ربـى بنصرانـه
وجـا بعـده ملـوك للمعالـى فعلهـم مشهـود
عسى اللى مات منهم فـى ظـلال الله وبجنانـه
وعسى يبقى الحييـن ذخـر للوطـن وعضـود
ولا نرضى بدلهم هـم حمـاة الديـن واعوانـه
نعـم منـا وفينـا كلكـم ياشجـرة ال سعـود
ترى حنا الجسد وانتم سـواة الـراس وامتانـه
ونعـم ونعـم ونعـم ونعـم والله ماعليكـم زود
ونفس ماتـرد الفضـل لاهـل الفضـل خوانـه
مقال عن اليوم الوطني السعودي ، تعبير عن اليوم الوطنى 26180.imgcache
نحمد الله يوم ناض الخير ببروق ورعـودي
عِد ما هبت هبوب الغيث سال الشِعب سالي
ونحمد الله يوم حِنا في ذرى الحكم السعودي
السليل ابن السليل إللي رقى شُـم الجبال
يا وطنا اليوم حِنا في حدث جعلـه يعـودي
نذكر العود المحنك. نذكـر قـروم الرجالـي
نسل وائل يوم جاها قادها صُوُبَ السنـودي
قادها بحِكْمَةْ حكيم وزال منها الجهل زالـي
أسس الدين بثراها يوم نُودِي يـوم نُـودِي
الملك لله . ثم للـي جالهـا سيفـه يلالـي
سخر الدولة لشعبه بعد توحيـد الجهـودي
واحكموا بعده عياله وانعم بهـاك العيالـي
((همنا يرضى المواطن )) قالها فهد الفهودي
ثم جا صقر العروبه عـزز القـول بفعالـي
نحمد الله دارنـا ديـرة عريبيـن الجـدودي
ديرة أللي يحتميها كل مـا جالـه مجالـي
نحمد الله يا وطنـا كلنـا لأجلـك جنـودي
قلتها وآنـا عليهـا قالهـا عمـي وخالـي
لا قدح ضو الفتيلة يبشـر بقـدح الزنـودي
يبشر بعـزه وطنـا. لا نهـاب ولا نبالـي
قلتها وآنا صغيـر السـن لكنـي سعـودي
بالسلام أختم كلامي يـا كريميـن السِبَالـي