مظاهر البلوغ للأناث 2019
*البريود (الدورة الشهرية)
البريود دي حاجة اساسية في نمو البنت
هي بتبقى عبارة عن كمية دم شبه قليلة بتنزل عند البنت مرة كل شهر
المرة دي بتقعد من 4 ل 7 ايام في الاجسام اللي هرموناتها كويسة
اللي بتبقى مختلة او ناقصة ممكن توصل ل 15 يوم
وكل بنت على حسب هرموناتها وجيناتها
يعني في بنات جاتلهم وهم في 10 او 11 سنة
وفي بنات ممكن توصل معادها ل 14 او 15 سنة
والسن الطبيعي او المعقول بيبقى 12 او 13 سنة ( اللي هي مرحلة ستة ابتدائي واولى اعدادي كدة )
طبعا في امهات كتير بتقول لبناتها في السن المناسب اللي بتبقى حاسة انها حتجيلها فيه
وفي امهات مبتعرفش تكلم بناتها او بتتكسف بمعنى اصح
فممكن البنت لو عندها اخت كبيرة اكيد بتقولها
ودايما في سن خامسة وساتة ابتدائي بيبقى في وقت زي وقت التدبير المنزلي او اي حصة فاضية
بتتدخل مدرسة او اتنين وبتعد بالبنات بســ وبتديهم نصايح ومعلومات
طب لما تجي للبنت المفروض تعمل ايه …..؟!
طبعا انتي لو عندك اخت كبيرة بتبقى الطف في انك تاخديها في الاوضة وتكلميها انها جاتلك وحتقولك تعملي ايه
انما البناويت اللي ملهاش اخوات بنات زيي كدة يعملوا ايه …؟!
بصي يا ستي تاخدي مامتك كدة قوليلها ماما عايزة اقولك حاجة
وهي هتفهم انها جاتلك لان غالبا بتيجي بمغص شديد قبلها
وقوليلها وهي حتقولك تعملي ايه او تتصرفي ازاي
طب نفرض انها جاتلك ومامتك او اختك مش في البيت تعملي ايه ؟؟؟!
طبعا لو انتي عادي تنزلي ممكن تروحي صيدلية او مكان بتاع الورقيات والافضل الصيدلية
تجيبي فوط صحية على قد الفلوس اللي معاكي
في سندريلا البنفسجي للسن الصغير بتبقى ب 4ونص او خمسة جني
وفي اولوايز ماكسي البينك بتبقى بردو مناسبة للسن ده او ممكن اللبني في اول مرة لانها بتبقى غزيرة
مظاهر البلوغ للأناث 14544383644867.jpg
طب لو انتي مينفعش تنزلي او ينفع بس معكيش فلوس
ممكن لو عندك قماش قطن او اي حاجة طرية زي تيشرت قديم اوي حاجة يعني بس تكون نــــضــــــــــيــــــــفــــــة
تقصي جزء حوالي 20 سنتي بالطول و16 سنتي بالعرض وطبقيها 3 تطبيقات بحيث ان كل تطبيقة تبقى 20 سم في 8 سم
وتثبتيها في واحد من الهدوم الداخلية بتاعتك بغرزتين او تلاتة من فوق ومن تحت مش تبقى ماسكة علطول يعني لما تبقي عايزة تشيليها يبقى سهل لو جربتي الحكاية دي حتسعفك لو انتي في موقف مامتك مش في البيت ومينفعش تنزلي او معكيش فلوس تجيبي حاجة دي حتسعفك
طب افرضي اتاخرت …؟!
بصي يا ستي انتي لو لسة في فترة اول سنتين فعادي لان الجسم بيبقى لسة متاقلمش عالوضع بس لو منزلتش اكتر من شهر يبقى لازم تروحي للدكتورة وغالبا اللي بيحصل معاهم كدة نتيجة الضعف الغذائي والانيميا
طب لو انتي بقالها عندك اكتر من سنتين يبقى لو مجاتش في الاسبوع بتاعها تشربي قرفة دافية حتسهل انها تتفك وتنزل وغالبا بتتاخر في الشتا عشان السقعة وكدة
طب الوجع بتاعها تعملي ايه …؟!
بصي يا ستي لو انتي بتقدري تستحملي يبقى خير وبركة انما لو وجع تقيل ممكن تشربي نعناع سخن او ينسون او تجيبي اربة ماية دافيى وتحطيها مكان الوجع
مظاهر البلوغ للأناث 14544428961660.gif
طب العناية الشخصية في وقت البريود
بصي يا ستي انتي اول يوم يستحسن متستحميش لانها بتبقى غزيرة فيه والحمى بينشط الدورة الدموية وبتزودها وحتتبهدلي وانتي بتستحمي
بعني تهتمي بانك تغسلي وشك وايدك بصابونة ريحتها حلوة وتسرحي شعرك كويس مش تسيبيه مكعبل ومهبدل زي سوكة كدة مظاهر البلوغ للأناث smiley-laugh.gif وتحطي برفيوم رقيق خالص او الديودرا بتاعتك (مزيل العرق) وتغيري هدومك وتظبطي حالك
وفي باقي الايام بتاعتها لازم تستحمي يوم ويوم والفوطة الصحية بتاعتك مينفعش تعدي بيها اكتر من 4 ساعات عشان متكلكعش وتعملك حساسية
ولو انتي بتحسي ان الانواع العادية من الفوط الصحية بيطلع ريحة مش لطيفة ممكن تجيبي الوايز الترا بالحجم اللي انتي بتجيبيه بتبقى احسن لان فيها جل بيحبس بدل القطن عشان بيكلكع وكمان الريحة بتاعتها حلوة ومش في ف العطر بتاعها مواد كيماوية
وطبعا الحمى لازم يبقى بشاور كويس او صابونة كويسة وريحتها حلوة ويستحسن انك متغسليش شعرك في الوقت ده
وتحطي كريم مرطة حلو على ايدك ووشك عشان يدي وشك نضارة وريحة حلوة و تحطي زبدة كاكاو حلو ة كدة مظاهر البلوغ للأناث smiley-shiningsmile.ولبسك دايما يبقى نضيف
دي الحاجت اللي بستخدمها (كريم مرطب – زبدة كاكاو – انواع الوايز الترا اللي قولتكوا عليها )
مظاهر البلوغ للأناث 14545870117877.jpg
وتاككلي كويس وتشربي حاجات دافية وبلاش الحاجات الساقعة والحلويات المعلبة زي الشوكلاتة والشيبسي والحاجات دي في الوقت بتاعها لانها مضرة ليها
عايزة حاجة حلوة ممكن عصير طبيعي ماما تعملهولك او انتي تعمليه وميكونش ساقع ممكن كيكة تعمليها وتسلي نفسك بيها وزي ما قولنا بلاش الحاجات المعلبــة
وكمان بلاش الشيكولاتة في الوقت اللي بيبقى قبل معادها لانه بيزود حبوب الشباب اللي بتيجي في الفترة دي
مظاهر البلوغ للأناث 14545870611577.gif
تاني حتكلم عنها هي ظهور الشعر في الجسم
بصي يا زهرة دي بتبقى حاجة عادية يعني متتكسفيش منها
شعر منطقة البكيني يا اما بيتعمل بماكينة الحلاقة البناتي او القص يا اما بيتعمل بالسويت
وطبعا كل واحدة وزي ما تستحمل
ولاكن مش اول ما يظهرلك وهو لسة صغير اوي تقومي تجري تقولي لمامتك عشان تشيليه لا طبعا ليه طول معين بيتشال فيه
وطبعا شعر المنطقة دي ومنطقة الابط مينفعش تعدي بالشعر اللي بيبقى فيها اكتر من 40 يوم لان الرسول حثنا على كدة
ومنطقة الابط اما بالسويت او بالنتف
والايد والرجل ماينفعش تشيلي الشعر اللي بيبقى فيهم غير لو مامتك موافقة لانه مش لازم تشيليه
وبيتشال بالسويت او الماكينة بردو بس هو السويت افضل لانه بيشيل البقع والجلد الميت والحاحاجات اللي بتبقى حوالين المنطقة المحددة