مصير جروحنا تذبل ..
بسم الله الرحمن الرحيم
انا عندي قصيده واتمنى تعجبكم
كفاك دموع ياقلبي ترى دمعك على غالي
انا مالي بهالدنيا سواك احدٍ يواسيني
دخيلك حتى لو صاحت جروحي ترفق بحالي
اخاف صياحها يحيي جروحٍ ميته فيني
صعيبه والله هالدنيا على مثلك وامثالي
صغار على الحزن لكن ابت تستوعب سنيني
سقتني المر في عمرٍ شرب به غيري الحالي
وكل ما صحت يادنيا ذبحني المر..تسقيني
وحيده عشت انادي الفرح لجروحي ولا جالي
رحلت بكل صوب ومالقيت اللي يداوييني
وتراها ما عدت تفرق معي لو طال ترحالي
انا اصلا سكنت الجرح وضاعت به عناوييني
عشقت الحزن مو برضاي وعيّا الوقت يصفالي
ويوم انه رجف دمعي ذبحته في وسط عيني
لك الله وش يفيد الدمع ولو هو سيل متوالي
لك الله امسح دموعك ترى هالدمع يشقيني
مصير جروحنا تذبل قصر هالزمن لو طالي
واذا جرحك ابى يبرى بضمده لك00 بشراييني