مصافحة …..للجميع
مصافحة …..للجميع
رحلت أنا عن أصحابي
فتح درب السفـر بابـي
رحلت أنا مـع النسيـان
أجدف والحـزن ربـان
رحلت بعيـد بأوصابـي
رحلـت أتأمـل كتابـي
,,,,,,,,,,,,,,,,,,,,
جلست أنا مع الأوهـام
أفكر وأسبـق الأحـلام
ليالي عشتها فـي غـم
أنام بهم وأصحـى بهـم
ثقيلـه حيـل هـالأيـام
وطتنـي والأمـل قـدام
,,,,,,,,,,,,,,,,,,,,
هناك أشعلتلـي شمعـه
وطفاهـا أذى دمـعـه
فرت من سجـن عينـي
ومن هالموت في إيديني
وكل ما أشعلتلي شمعـه
نهايتهـا تكـون دمعـه
,,,,,,,,,,,,,,,,,,,,
وقفت هنـاك وحدانـي
أناظـر حلـم خلانـي
حلم يرجـع الضحكـه
يرجعها ولـو ضحكـه
ولكن حلمـي بالعانـي
مـر بعيـد ولا جانـي
,,,,,,,,,,,,,,,,,,,,
كانت رحلتـي صعبـه
تجي كربـه ورا كربـه
تزود حرقـة الأنفـاس
توسع غربتي في الناس
وبعد ماني وطن غربـه
غديت أوطـان للغربـه
,,,,,,,,,,,,,,,,,,,,
وصلت المنتدى الراقـي
وصلت بمركب أشواقي
عسى يقبلنـي الأحبـاب
ولا بوجهي يرد البـاب
ترى فيني أمـل باقـي
يسامر مرفـأ أوراقـي
,,,,,,,,,,,,,,,,,,,,
وصلت أنا وكلي خوف
غدا شعري بدون حروف
تخفـف عـن معاناتـي
تصـورهـا بكلمـاتـي
تصورها على المكشوف
ولا يمكن يجيها عزوف
,,,,,,,,,,,,,,,,,,,,
أنا زدت الجراح جروح
وإنتم بلسمـي والـروح
أمـانـه لا تـردونـي
وحيـد فغابـة ظنونـي
ولا تقولوا غريب وروح
ترى مني تروح الـروح