مشكلة تدخل الاهل في الحياة الزوجية 2019

مشكلة تدخل الاهل في الحياة الزوجية
المشكلة
شجار دائم ونزاع بين الزوج والزوجة ويرتفع الصوت حتي يصل للجيران.
الحاج احمد جار الزوج والزوجة يسمع الشجار وبكاء الزوجة فلا يجد بد من التدخل خاصة وانه يعرف عن الزوج انه شخص هادئ ومهذب.
يطرق باب الزوجين علي استحياء ويطلب الدخول وهو يعتذر عن التطفل ولكن انا مثل والدكم وصوتكم عالي جداً فسمح له الزوج بالدخول وهو محرج لأنه فقد اعصابه وارتفع صوته حتي سمعه الجيران وقد جعله هذا يشعر بالخجل.
وفؤجي الحاج بالزوج في قمة ثورته وهو يقول لا اشعر بالأمان في منزلي الكلمة اللي بتتقال بتطلع بره علطول والاقيها في بيت حماتي حتي بناكل ايه بنشرب ايه هي عرفاها المدام ماسكة التليفون علطول وبتكلم مامتها الصبح وبالليل وبتوافيها بنشرة يومية عن حياتنا.
الزوجة وهي تبكي حرام كده والله هو كل يوم في الشغل وانا زهقانة وعايزة اكلم ماما مش كفاية اني بشوفها يوم واحد في الاسبوع كمان مكلمهاش في التليفون.
الزوج غاضباً هو انا قلت لك متكلميهاش انما متحكيش كل حاجة عننا
الزوجة امال اتكلم في ايه انا متعودة اقول لماما علي كل حاجة
الزوج ده قبل ما تتجوزى يا مدام دلوقتي لازم تعرفي ان البيت ده اسرار وانا محبش اسرارى تطلع بره لو كانت بسيطة او كبيرة
الزوجة وهي تجهش بالبكاء انت عايز تبعدني عن اهلي وتقطعني عن ماما وبابا واخواتي وعايزني اكون لك وحدك دى انانية.
وهنا تدخل الحاج احمد وطلب من الزوجين ان يتوضأوا ويصلوا ركعتين لله وييجيوا يقعدوا مع بعض شوية.
بعد ما فعلوا ما طلبه منهم الحاج طلب ان يستمع منهم بهدوء
قالت الزوجة هو في الشغل طول اليوم وانا زهقانة وبكلم ماما فيها حاجة دى انا مش متعودة اني ابعد عنها المدة دى كلها واروح لها يوم الجمعة بس.
قال الزوج انا في الشغل طول اليوم ارجع من الشغل بدل ما الاقي مراتي تقعد معايا مجرد ما ناكل تاخد التليفون وتدخل تكلم مامتها في غرفة اخرى وتتركني لوحدى .
تقاطع الزوجة الزوج ده 10 دقائق ربع ساعة بس وبعدين اقعد معاك.
الزوج لو اختلفنا في اي حاجة الاقي مامتها بتكلمني وما ينفعش كده وبنتي مش واخدة علي كده وبالراحة عليها.
انا بخاف اتكلم مع زوجتي في اي موضوع لاني عارف ان امها حتعرفه.
عايز احس اني بكلم مراتي وافضفض معاها من غير دخيل بطلب حاجة كبيرة .
طولت عليكم لكن دى مشكلة قدامنا تعالوا سوا نشوف الاسباب والعلاج.
مشكلة تدخل الاهل الحياة الزوجية 13773715041.jpg

اسباب المشكلة[*]اهمال التربية الدينية التي جعلت الزوجين لا يحفظوا اسرار منزلهم[*]دلع الزوجة وعدم تحملها المسئولية[*]انشغال الزوج بالعمل[*]خطأ من ام الزوجة بالتدخل في المشاكل بين الزوجة والزوج[*]عصبية الزوج وارتفاع صوته في المشاجرة
مشكلة تدخل الاهل الحياة الزوجية 13773715044.jpg

حلول المشكلة
الزوج
يجب ان يحتوى زوجته ويجعلها صديقته وتتكلم معه عما يضايقها ولا يجعلها تشعر بالرغبة في البحث عمن تكلمه.
بدل من الغضب والشجار والصوت المرتفع التكلم بهدوء وحتي تجربة الكتابة وهي ان يكتب كل طرف ما يضايقه من الطرف الاخر ويتبادلوا الاوراق ويناقشوها بهدوء.
لا يجعل العمل يبعده عن تدليل الزوجة والاهتمام بها
الزوجة
عدم اخبار اي شخص حتي لو الام بأسرار المنزل حتي يشعر الزوج بالأمان في منزله.
يجب علي الزوجة ان تقدر تعب الزوج وعمله وتحاول جهدها ان تخفف عنه مجهوده
الكلام في التليفون لا يكون والزوج في المنزل بقدر ما تستطيع واذا حدث فلتكن المكالمة قصيرة.
ام الزوجة
تعويد الابناء منذ الصغر علي حفظ الاسرار وعدم اخبار اي شخص خارجي حتي الجد والجدة بأخبار البيت فمن ينشأ علي هذا الشئ سيعلم ان اسرار البيت من المحرمات وعندما يتزوج سيحفظ اسرار البيت.
ان يربي الاولاد علي تحمل المسئولية سواء اولاد او بنات.
لو حدث وتكلمت ابنتها معها في مشكلة فلتتناقش مع ابنتها بهدوء ولا تتدخل هي ولا تكلم زوج الابنة في هذه المشكلة ولا تجعله يعرف ان ابنتها كلمتها في شئ.

مقالات ذات صلة

زر الذهاب إلى الأعلى