مزيان بالزاف
سبحان ربي فـرّق النـاس بانصـاف
لكـل واحـد بيـن خلـقـه دلالــه
واحد من اول نظرتـك فيـه ينعـاف
لا خير في وجهـه ولا فـي خصالـه
واخر تشوفه نظرتـك فيـه باخـلاف
يعجبك شكلـه غيـر تحـزن لحالـه
وانا لمحت اللي احسبه كامل اوصاف
كن الحلا والزيـن جـت لـه لحالـه
في مشيته بين البشر كبـر واجحـاف
ودك تجي خلفـه تعـد الخطـى لـه
تحسبه في نعمه ليـا شفـت الارداف
ون شفت خصره قلت باعطي الزكاه له
يطرحك ريح العطر لن مر ون طـاف
بالغصب مـو بالكيـف تتبـع خيالـه
يلقي بنظراته على النـاس مـا خـاف
والنـاس حولـه ودهـا فـي دلالـه
قربت انا منه وجسمـي بـه ارجـاف
ليـن استقـر القـدم بــي قبـالـه
قلـت التحيه..قـال مزيـان بالـزاف
اثـره مـن ارذال البشـر والحثالـه
واثر الدلع والغنج به لاجـل ينشـاف
واللـي خفيـف العقـل ينثـر لمالـه
سبحان ربي فـرق النـاس بانصـاف
لكـل واحـد بيـن خلـقـه دلالــه