مريت بيته ..واستحيت ألتفـتْ لـه

مريت بيته ..واستحيت ألتفـتْ لـه

ياماتحت حدب الضلوع أنزفـتْ لـهوياماسهرت..ومنبت الشوك جفنـي
وياماعيوني بالدمـوع أذرفـتْ لـهوياما الولع سيطرعلـيّ ونسفنـي
حتى كتبت الشعر نقضـه ..وفتْلـهأوقل:عسفت الحرف حتى عسفنـي
بأوراقي اللي بالشعور أسرفتْ لـهوأمطر شقاي ..وضوح برقه خطفني
للذكريات اللـي ليـا سولفـتْ لـهحسّيت في بـرد الشتـا يلتحفنـي
وأهذي شجن رطب الشفاه انشفتْ لهوأتوب لو ذنب الكـلام اقترفنـي
وأبوح له بأحلامي اللي هفـتْ لـهوأزهرلشوفه ورد ..حتـى قطفنـي
وأتّذكره ..يوم الشموع أنطفتْ لـهوأظلم طريق ..وريح همّي عصفني
ليلةمراسيـم الـوداع أوقفـتْ لـهليلة فرح فيهـا ضياعـي عزفنـي
للحزن ..وطيور السعد رفرفتْ لـهنصيب ..وأول حب ماأظـن يفنـي
هذي بقايا داخلـي ماأختفـتْ لـهبأسبابها ..ياماحنينـي كشفنـي
مجنون لو قلت المشاعر وفتْ لهومدري على عرشه من اللي خلفني
يمكن نسيني ..والليالي صفتْ لـهويمكن بعـد بالذاكـره ماحذفنـي
لكنّه أوّل روح روحـي لفـتْ لـهوأوّل وليف مـن الولايـف ولفنـي

مقالات ذات صلة

زر الذهاب إلى الأعلى