مبادئ النكد للمبتدئات هههههههههههه 2019

مبادئ النكد للمبتدئات:
-كل شوية اسأليه”مالك..حزين ليه؟”..حتى لو كويس نفسه هتصعب عليه وهيبقى حزين
-خبي الريموت طول الوقت ف جيبك..وسيبيه يدور
-يقولك اعمليلي شاي..قوليله حاضر..وقومي واعمليله نسكافيه بلاك
-عياط بدون مبرر بالذات الصبح وهو نازل الشغل
-مفيش حاجة اسمها تطبخي كل يوم.. انتى مش شغالة عنده.يرجع يوم يلاقي الغدا علبتين كشري من اي محل
-اضحكي ف وشه بدون سبب لما يكون في ضيوف..اول ما يمشوا البسي الوش الابلكاش
-افتحي حنفية المطبخ وهو بيستحمى ف الشتا
-العشا اندومي
-الفطار لازم يكون فيه مخلل عشان الاملاح بتزود فرص النكد
-قميصه المفضل لازم يتكوي حتة وحتة..بحيث ميقدرش يتهمك انه متكواش..مش عاجبه يقف يفرد ترابيزة المكوة ويورينا الشغل
-لازم تكلمي امك ف التليفون كل يوم مرتين حتى لو متخانقين..ولازم يكون الكلام وشوشة وقدامه
-اقفي وراه وهو قاعد ع الفيس بوك
-قلبي ف موبايله
-افتحي المحفظة كل شوية وعدي فلوسه
-يشرب ف كوباية يقوم يغسلها
-قوليله علمني السواقة
-بيحب الملوخية يبقى تعمليها وزودي الملح
يلا ربنا يقدرنا دايما على فعل الخير