مامتك كل تفكيرها قديم :ايه اللى يجبرك على …..ادخلى يا زهرة★ 2019

تقول صاحبة الموضوع:

بصوا يآ قمرات

انا هاحكيلكوا على حاجة
انا كنت مصاحبة بنت وانا فى اولى اعدادى
اولا انا كنت فى مدرسة فى ابتدائى مدرسة خاصة
بس مامتى حبت تجبنى جمبها وجمب البيت فجبتنى مدرسة خاصة برده
المهم بقا انا روحت المدرسة دى ومعرفش حد فيها
قبلت البنت اللى قولتلكوا انى صحبتها
المهم انا بقى اتكلمت معاها لقيت نفسى كأن امى حبسانى
المهم بنت دى كانت عايزانى اعمل حاجات كتير غلط
مثلا اطلع حبة من شعرى من طرحة
اصاحب ولاد وهى هاتسعدنى على كدة
وكانت تقول يعنى انتى ايه اللى جبرك انك تسمعى كلام مامتك ده
مامتك كل تفكريقا قديم
المهم انا بقى كنت مش بسمع كلام خالص الفترة اللى صاحبت البنت فيها
كنت مش طايقة البيت وشايفة ان كل اهلى تفكريهم غلط
وانهم ناس عايشين فى ايام زمان
بجد بجد
ماما تعبت معايا اوى القترة دى
بس الحمد لله بعدت عن البنت دى
لسا كنت بفكر فى الايام دى
وكنت بقول لماما كان ايه اللى مصبرك عليا
انا لو عندى بنت زى وعملت كدة وكانت شايفنى غلط كنت مش عارفة عملت فيها ايه
خلى بالك يا زهرة متخليش حد يقنعك ان اهلك غلط
ان اكتشفت انها كانت عايزة تنزلنى لمستواها
ربنا يصلح حالها
عارفة يا زهرة انا صحابى بيستغربوا منى اوى
لانى كل حاجة بحكيلها على كل حااجة
صحابى يقولولى مش تقولى كل حاجة
لكن خلاص الحمد لله تعودت
لازم كدة اول ما اروح تبتدى حكايات اليوم كله
مهما كان بينك وبين مامتك
يآزهرة قوليلها على كل حاجة هى اقرب صاحبة ليكى
اصل الامهات دول بيعرفوا كدة كل حاجة من غير مااعترف
ربنا يحفظهم ويخليهم لينا
فى امان الله