ماكل و مـاكل و مـاكل ( قصيدة تحاول معرفة الوجه الحقيقي من المزيف )
ماكل و مـاكل و مـاكل ( قصيدة تحاول معرفة الوجه الحقيقي من المزيف )
هـــــــذه القصيــدة اعجبتني وحبيت اضعها بين ايدكم
فهي منقولة من احد المنتديات
ما كل مـن يضحـك بدنيـاه مسـرور*** لـو ضحكتـه دايـم تحـرك حجـاجـه
وما كل من يبكي مـن النـاس مقهـور*** بعض الدموع رخاص من شـان حاجـه
وما كل صادق لو حكا لك مـن شعـور*** يا كثر مـن زيـف المشاعـر خراجـه
وما كل ما يخفـا مـن السـر مستـور*** بعض الوجيه ابين من ارهـف زجاجـه
وما كل بيت ( ن ) بابه انصك مهجـور*** كم بيت ( ن ) اطفا الشح واهج سراجـه
وما كل ورد ( ن ) تزرعه ينثر عطـور*** لو مـاه صافـي مـا يخالـط هماجـه
وما كل مرهف قلب لـو يـزرع زهـور*** قلـب يحـب الـورد وجـواه صـاجـه
وما كل من يخطي من النـاس معـذور*** البعض يخطـي مـن علـوم العواجـه
وما كل من يسكت على الظيـم مجبـور** *لجل الغـلا ساكـت ويدعـي انفراجـه
وما كل راس ( ن ) ضيع الفكر مسحور*** كم راس سحر الحـب جـاب ارتجاجـه
ومـا كـل علـه فادهـا طـب دكتـور *** كم من عليل ( ن ) وصل خلـه علاجـه
وما كل من شاور حكيم ( ن ) خذا الشور*** بعـض البشـر مـا يقنـع الا مزاجـه
وما كل من سمي صقر يشبـه صقـور *** كم من صقـر وقـت الشدايـد دجاجـه
وما كل فزاع ( ن ) لجل مـدح مشكـور *** البعـض مرجلتـه وسـامـه وتـاجـه