كُــوني إنتـي مش حَـد تـاني واعرفـي كِـده من صُغرك 2019

السلام عليكم ورحمة الله وبركاتة
كتير جدا جدا بشوف ناس مع الوقت شخصيتها بتتغير و اسلوبها وطريقتها
بتبقى كل شوية لون وكل شويه طريقة واكيد كلنا شفنا كده

وقد يكون السبب انها معجبه بصديقتها واسلوبها او معجبه بشخصية مشهورة
والاعجاب والتعلق والميل , دول من الاسباب الرئيسية ..
وطبعا الشخصية اللي بتطلع نسخة من شخصيات تانيه وتقلد فده شئ
مش مميز بكونك بتعملي كده او بتفكري بالتفكير ده
ده حتى بيقلدوا نبرة الصوت والحركات والالتفاتات واللحظات والضحكة والمشية
حتى مخارج الحروف وطريقة الكلام وإشارة الإيد !.

كل ده بيقتل ذاتك وبيقتل كونك إنتي ..
ولازم تعرفي ان التقليد الأعمى والانصهار المسرف في شخصيات الآخرين
بيقتل موهبتك وإرادتك
ويجعلك مهمشـة في مجتمعك !
خليكي إنتي اللي الناس تحب تقلدها وتتمثل بيها
خليكي انتي اللي بتحسني نفسك بنفسك
خليكي انتي اللي متمسكة بمبادئك حتى لو كنتي لوحدك
خليكي انتي اللي بصفاتك المميزة الناس تعرفك من بعيد

ده من ايات ربنا انه جعل الناس مختلفة في صفاتها ومواهبها ولغاتهم والوانهم
( و اختلاف ألسِنَتِـكُم وألـوَانِكـم … )

عندك امثلة زي مثلاآ ..
أبو بكر الصديق نفع الامة برحمته ورفقه بيهم
وعمر بن الخطاب نصر الاسلام وأهله بشدتة وصلابتة
فإنك تكون راضية باللي عندك وراضية بشخصيتك وراضية بكونك إنتي ” ”
ده هيخليكي تستثمري مواهبك وطاقتك وتنميها وتنفعي بيها أمتك

إن جمال صوتك أن يكون متفرداً وإن حسن إلقائك أن يكون متميزاً ..
اقتبست العبارة دي من كتابي المفضل ” لا تحزن ”

ياريت نقلد صفات حميدة واخلاق طيبة ننمي بيها نفسنا وتزيدنا سمو ورفعة
زي العلم والكرم والصبر والحلم والمعاملة الطيبة واسعاد قلوب الناس

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى