كيف تعرفي ان زوجك يخونك 2019

1- تلفونه دائماً عليه رمز قفل , والموضة الجديدة تلفونين بقفل
2- كل ماتدقين عليه عنده إنتظار وسبحان الله في البيت تلفونه مايرن أبد لانه دائماً على الصامت
3- إذا نسى تلفونه لأنه نازل دكان ولاصيدلية ولا أي مكان يرجع مثل الصاروخ علشان ياخذه
4- اذا جاء ينام يقفل تلفونه , مب عشان سواد عيونك لا , عشان خويته ماتدق ويتورط او عشان خويته تغار عليه وماتبيه يغازل غيرها
5- عنده ردود إستباقية , يعني إذا رن تلفونه يقولك هذا واحد مابي ارد عليه ولا مسلفه فلوس ولا واحد نشبة بدون ماتسالينه انتي منهو ؟؟
6- يكون عنده ارتباط غريب بين المسجات او الرنات والطلعة برى البيت , مادري وش العلاقة بينهم بس يتعذر بعدهم بأي شي عشان يطلع
7- يتكلم في مواقع غريبة , حمام , مطبخ , سيب
8- فيه اسامي غريبة بتلفونه , على سبيل المثال
ابو غادة = غادة
عنتر = عبير
محل الكورنيش = اللي مرقمها في شارع لكورنيش
انور = نورة
9- لو كنتوا في الطريق ونزل في دكان ولا حمام يطول أكثر من اللازم
10 – فجأة يصير حبيب وطيب بدون سبب وهذي يسمونها عقدة الذنب
11- مايمنعك من الروحة لأي مكان ,,, لانه يبي الفكة ياهبلة دايماً يقولك روحي وسعي صدرك