كلام نسيناه و لازم نرجعله 2019

تعرفوا ايه الكلام اللي نسيناه
جمل بس هى مش اى جمل
خمس جمل هجرناها و مبقناش نقولها

الاولى : بسم الله
(أقراء بسم ربك الذي خلق)
مبنقولهاش ليه ؟
دي جملة بسيطة بنبتدي بيها اى حاجة بنعملها
نسيناها خلاص
لا لازم نرجع نقولها تاني عشان تباركلنا في اى حاجة بنعملها مش هنخسر حاجة

التانية : السلام عليكم
ها دي كمان نسيناها و بدلناها بصباح الخير و مساء النور
طب ليه 30 حسنة يضيعوا مننالازم يا عدولات نرجعلها تاني و نسلم على الناس بيها دي تحية الاسلام

التالتة : ان شاء الله
(و لا تقولن لشئ اني فاعل ذلك غدا * الا ان يشاء الله)
انا هعمل كذا و كذا و كذا
فيها ايه لو نقول في الاخر ان شاء الله لان انتي مش عارفة ايه اللي ممكن يحصل يمنعك بعمل كل الحجات اللي ناوية تعمليها
من هنا و رايح كل حاجة بعديها ان شاء الله

الرابعة : انا لله و انا اليه راجعون
(و الذين اصابتهم مصيبة قالوا انا لله و انا اليه راجعون أولئك عليهم صلوات من ربهم و رحمة و أولئك هم المهتدون)
بدلناها و بقينا نقول ياالهوي
كدة ينفع ؟ لا طبعا يبقى لو بعد الشر أصابتنا مصيبة نقول انا لله و انا اليه راجعون مش ياالهوي

الخامسة : الحمد لله
و دي اول جملة في المصحب
نحمد ربنا و نشكره لو كان ايه وضعنا لازم نحمده لان ديما في ناس اقل مننا

الجمل الخمسة دي كنا بنعلمها للصغيرين
لكن في زمانا ده حتى الكبار نسيوها
انا خلصت
بس قبل ما تطلعي ادعي معايا
(اللهم اغفر ذنوب المسلمين و المسلمات المؤمنين و المؤمنات الاحياء منهم و الاموات)
عشان ناخد كلنا حسنات