قصيدة تبكي للي ما ينتحب !!!!

شاب في مقتبل العمر لن أقول أنه ( عاق) لوالدته لكنه من المؤكد أنه ( غير مطيع ) وذاك يظهر من قصيدته الحزينة بشكل كبيرً ..
هو ايضاً متهور في قيادته .. تعرض ذات مره إلى حادث وقد كانت معه والدته فتوفيت وبقي هو علي قيد الحياه وكتب تلك القصيده ::

يواسيني وانا الميت وحالي يجبر الدمعات
تنسكب من الذي فيني ويبكي وهو يواسيني

وانا ابكي واتنهد وارسم بالحزن لوحات
يجبروني عشان امشي ورجلي ما تمشيني

قتلت رعايتي بيدي قتلت الحب والرحمات
حرمت النفس من حقها وانا ابكيها وتبكيني

وكنه حلم قدامي يقيدني من الصرخات
ابي اصحى ولكن مالقيت اللي يصحيني

فداك الفؤاد يايمه ومهما قلت من مفردات
صغيره في كبر حقك بس اتمنى تعذريني

نهبت الفرحه من بيتي صحيح اني خسيس الذات
صحيح اني ولد طايش وكل ما أسمعه فيني

تجول عيونهم فيني تفصل مني قياسات
وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة
وانا اتحدى اذا فيهم 1/4 ما يحترق فيني

ندرة قدري في أعقاب موتك وغابت نشوة اللذات
وصار الهم عكازي اباكيه ويباكيني

عطيتيني من دون حساب ولا سمعتك تقولي هات
وانا اشرب حيل من دمك ودمك ما يكفيني

يايمه ارجعي وافي ابجلس معك لو لحظات
واقبل ايدك ورجلك وافرش لك رمش عيني

يايمه ما تحملهم يقولوا فات ما قد لقي حتفه

تعالي غيري هالقول واطيعك بقية سنيني

واترك عادة التدخين وانفذ ما تبي بسكات
واصلي الغداة في المسجد قبل منتي تصحيني

يايمه ارجعي تكفين وطفي شمعة الآهات
ابيك انتي ولا غيرك على موتك تعزيني

وضميني وداويني مثل ما كانت الهقوات
ما ابي احدن يواسيني ابيك انتي تواسيني

دخيلك بس لا تبكي اذا شفتي بي الدمعات
انا مقوى ابكيك اذا انتي تبكيني
.. أسال الله أن يغفر لها ولجميع موتى المسلمين