قصيدة بعنوان ( داهيـه عتيبـه )
قصيدة بعنوان ( داهيـه عتيبـه )
هذي قصيدتي مصلحها لها أكثر من 7 اشهر أو أقل
وأتقبل أنتقاداتكم عليها برحابه صدر
تقوووول القصيده
يالله ياللي حميت البيت وأركونه
ياواحدٍ عالمٍ جهري وكتماني
أفرج لعينٍ من الأحزان مغبونه
وقلبٍ خفوقٍ لعب فيه وعناني
بأسباب خلٍ حدونا الناس من دونه
وانا على شوفها مغرم وولهاني
عمهوجةٍ غاليه بالحيل مزيونه
الله عطاها جمال أشكال وألواني
إن جيت للوصف شعري تعجز الحونه
الله أكبر جمالك يعقد ألساني
أنتي تبين الخبر دره ومكنونه
وإلا القمر لأكتمل في نص شعباني
( وإلا قصيدة شعر في بنت مزيونه
واللي بدع قافها داهيـه العتباني )
ياللي خذيتوا قليبي لاتردونه
أحسلي أموت مأعشق واحدٍ ثاني
الحب ذي دبرته يضهر بطاعونه
واجد ضحاياه من مسلم ونصراني
ماني بأنا اول حبيبٍ راح مضنونه
هذا زمانٍ وطى غيري توطاني