قصيدة الصديق للشاعر فهد الجبر 2019

قصيدة الصديق للشاعر فهد الجبر

يا صعب والله ما تحصل لك بها الدنيا صديـق
تزرع كثيره للأسف يا قـل مـا تحصـد ثمـر
بعض العرب صداقته من وين ما جيته يطيـق
اليا نصيته فـز فيـك وقـال تآمرنـي أمـر
لا قال كلمه تمهـا والا اعتـذر عـذرٍ يليـق
اليا وقف وقفة بطـل وان هـدّ هـدّات النمـر
وبعض العرب صداقته ماهي على طول الطريق
يقطع صداقة واحدٍ تقـول شايـل لـك جمـر
أما الرفيق اللي يلـوذ اليـا تنصّـاه الرفيـق
اضرب على علاقتـه إكسيـن بالخـط الحمـر
وش لك بلحية خوةٍ تمشي على خيـط رقيـق
مادام ماهي خـوةٍ تبقـى علـى مـر العمـر
يا هيه ياللي مستوي عندي زفيره والشهيـق
ان جيت ارد اخشى الندم واليا سكت ادهى وامر
ماني مفرّح شرذمـه ولا مزعّـل لـي فريـق
الصبر مفتاح الفرج والسوس ما ضـرّ التمـر
ما دام يمكن طمرها هو ليـه اولعهـا حريـق
بعض السوالف ما لها عند الرجال الاالطمـر

مقالات ذات صلة

زر الذهاب إلى الأعلى