قصيدة اشتقت لكم

ياصاحبي وين الليالي غـدن بـك
مشتاق لـك بالحيـل والعالـم الله
مدري دلع والاغرور ن سكن بك
عجل على المشتاق يازيـن قلـه
ياما بقلبي لك علوم ن بـدن بـك
والدمـع عينـي لاذكرتـك تهلـه
منك الجفا والا الظروف غدرن بك
كم فرق ن مابين خـل ن وخلـه
لاهـو بذنبـي لا ولاهـو بذنبـك
واللي يبيه الوقـت فينـا وصلـه
كيف الدروب اللي تجي وقفن بـك
أخـاف لادرب ن يجينـي تملـه
عقب الوصل يومني أجلس بجنبك
وأسأل سؤال كنت تعجـز تحلـه
كم مرة كـل المشاعـر درنبـك
وكم مـرة قلبـي تجـي تستحلـه
غلاك في قلبـي بعـد مابعدنبـك
وغلاك في قلبـي طريقـن تدلـه
مدام أحاسيسي معك وبتلـن بـك
مكانك بقلبـي تـرى فـي محلـه
وياصاحبي وين الليالي غدن بـك
مشتاق لـك بالحيـل والعالـم الله

***************

كني على جمر الغضى وانت مسرور
محدن يسوي في الخلائق سواتك

أسهر طوال الليل والقلب مقهور
وانت قرير العين همك لذاتك

اشتاق لك يا شمس مع طلعة النور
اسمع سواليف واشاهد حلاتك

اسعد بطاريك ولا كون مكدور
ويزاد في قلبي شعور بغلاتك

مقالات ذات صلة

حبي لشمس اصبح مع الناس مشهور
ود..وفاء مني ورعة صفاتك

بيت الغرام الي بنيناه معموره
مادمت وافي والوفاء من سماتك

اصحى يغيرك الزمن لا ولاتجور
خلك كما ظني وانا لك مراتك

واحرص تكلمني ولو من ورى السور
صوتك حياتي خذ حياتي وجاتك

اون من فرقاك واثني بمجرور
لومت سامح وادع لي في صلاتك

ارم الوله والحزن في وسط البحور
وخلك طليق البال عشها حياتك

مقالات ذات صلة

زر الذهاب إلى الأعلى