قائمة التكاليف المعمول بيها فى البيت … هههههههههه 2019
زوجى العزيز
قائمة التكاليف المعمول بيها فى البيت
صباح الخير مع ابتسامه مع قبله على الخد ===> فطار معتبر + كوباية شاى معتبره + ابتسامه
صباح الخير مع ابتسامه فقط == متوسط مع كوباية شاى مظبوطه
صباح الخير فقط ==== هى كوباية شاى مع قرقوشتين تاكلهم وانت ماشى
مافيش صباح الخير ===== يبقى تفطر بره وتاخد كيس الزباله فى ايدك
الرد على المكالمات الهاتفيه
اتصال من الزوج
الرد اهلا يا حبيبتى عامله ايه === عدم طلب طلبات كتير للبيت مع الدعاء ليك ربنا يوفقك
الرد ب ها عايزه ايه === طلبات البيت كلها تتجاب معاك مع ما تنساش حاجه
بتصللى ليه مشغوله ==== عريضة طلبات معتبره بالى محتاجينه والى احتمال نحتاجه الشهر الجاى مع دعاء( ( خاليه بينى وبين ربنا..وربنا اعلم بالنوايا))
عدم الرد ======== ارجو عدم الرجوع الى البيت حرصا” على سلامتك الشخصيه
العوده الى المنزل
سلامو عليكم مع ابتسامه على الوجه مع قبله على الخد === الغدا يجهز فى لحظه مع تنويعه من اكلاتك المفضله مع الحلو كله
سلامو عليكو وابتسامه ====== الغدا يجهز ويتحط الاكل والحلو فاكهه
سلامو عليكو فقط ==== الغدا وحللى عند امك
من غير سلامو عليكو والبـــــــــــــــــــــــــــــوز ممدود ==== خدها من قصيرها واتغدى عند امك
تقعد معانا بليل === عشاء لطيف وقعده من غير خناق
تنزل لصحابك وتتاخر ==== يا تجيب معاك هديه من الاخر يا تاخدها من قصيرها وتنام عند الحجه
واخيراا وليس اخراا
تصبحو على خير بابتسامه ده من غير جدال === لان الانسان وهو نايم ممكن يحصله حاجات كتيــــر قضاء وقدر
تبتسم وتعاملينى باحترام ورومانسيه === تتجد كل ما تتمناه
تنكد عليا وتمد البــــــــوز شبرين= ===>تجد كل ما تتمناه بردو بس فى الجنه انشاء الله
ده اذا طولتها وكله بما يرضى الله