علشان السنارة تغمز كلام لازم كل البنات تعرفه 2019

كنت سمعت عن كتاب عشان السنارة تغمز وانه عليه اقبال كتير اوى

قولت اشتريه وسالت ولفيت وملقتهوش لانى فى المنصورة مش القاهرة

والكتاب كان نازل فى اماكن معينه

دورت كتير على النت وعلى موقع مؤلفة الكتاب وبردو مش لقيته

وبالصدفه كنت بدور فى موقع على حاجات ولقيت واحده كاتباه

ولما قريته وعجبنى اسلوبه وبساطته وكلامه واقعى قولت انقله للعدولات الى هنا

واهو كلنا نستفاد ومعلش طولت عليكم

ندخل بقى للكتاب وعايزة اسمع تشجيعكم واشوف احلى تقييم

مقدمة

علشان السنارة تغمز كتاب حطيت فيه خلاصة تجاربي وخبرتي كإنسانة أو ككاتبة كتخصصة في العلاقات الإنسانية ولإن كل يوم بيجيلي مشاكل من بنات كتير كل مشكلتهم إنهم مش عارفين يتعاملوا ازاي أو مش عارفين ياخدوا لاحق ولاباطال مع الرجالة قررت أكتب الكتاب دا عشان يدي كل بنت خبرة ويوفر عليها 10000 تجربة عاطفية على الأقل
الكتاب دا عبارة عن قوانين لازم كل بنت تعمل بيها لو عايزة تلاقيلها حوت درفيل أو حتى قرموط يشبك في سنارتها ولازم كل ست تطبقها في حياتها الزوجية لو عايزة تعيش سعيدة وتصطاد جوزها تاني وتالت من أول وجديد .

(1)

أول وأهم نقطة لازم تعرفي إن انتي كائن فريد من نوعه

ملكة متوجة نجمة في السما

علشان يوصل لك لازم يتعب أوي أوي أوي

(وإلا يرّوح بيتهم)

آه انتي اللي بترمي السنارة وتصطادي

لكن هو لازم يقطع نفسه علشان يلقط الطعم ..

علشان السنارة تغمز كلام لازم البنات 135211369510.gif

(2)
“حبي نفسك” لإنك لو حبيتيها هتخليها الأجمل و الأصلح و الأحسن والأذكى والأشطر والأجدع وبالتالي كل الناس حتحبها وسمكك حيكتر

علشان السنارة تغمز كلام لازم البنات 135211369510.gif
(3)
بصي في المراية

قومي بصي في المراية

لو اللي انتي شايفاه عاجببك يبقى حيعجب الناس

خللي بالك الناس بتشوفك

بعنيكي انتي

علشان السنارة تغمز كلام لازم البنات 135211369510.gif
(4)

لو اللي انتي شيفاه مش عاجبك

يبأه لازم تغيريه تخسي .. تتخني تغيري قصة شعرك
طريقة حجابك .. ستايل لبسك

والهدف هنا مش التغيير في حد ذاته

لكن التغيير علشان انتي تعجبي نفسك

وبالتالي ثقتك في نفسك تزيد

علشان السنارة تغمز كلام لازم البنات 135211369510.gif

(5)

لو بتقعدي مع الناس مكسوفة ومش لاقية حاجة تقوليها

يبأة دا معناه إنك لازم تقري

تتفرجي على برامج مفيدة في التلفزيون

تتابعي الأحداث المهمة

عصر الست أمينة راح بلا رجعة ودلوقتي عصر المعلومات والفضاء

أبوس ايدك سايري العصر

علشان السنارة تغمز كلام لازم البنات 135211369510.gif

(6)

الإنسان بيتعود على الشكل بسرعة

يعني لو انتي هيفاء وهبي

لكن بتقعدي قدامه بتتقلبي أبو الهول

وبتبئي باردة يبأه كم خروجة وابأه سلملي على جوزك يا اسماعيل بيه

هو مش محتاج أنتيكة محتاج انسانة

يعني لو كان شكلك عادي جدا

لكن شخصيتك دافية وجذابة

هيشوفك مارلين مونرو

علشان السنارة تغمز كلام لازم البنات 135211369510.gif

(7)
أنوثتك مش نابعة من تضاريس جسمك

أنوثتك نابعة من ذكائك العاطفي

ورقتك في الرد وحنيتك في التعامل

وتعاطفك الحقيقي وقت اللزوم

وكلامك الحلو اللي يلمس القلب

كل دا اللي بيكون سحرك الخاص وأنوثتك الطاغية

يعني الأنوثة شخصية مش هز كتاف

علشان السنارة تغمز كلام لازم البنات 135211369510.gif

(8)
لازم تهتمي جدا بريحتك يعني تزيلي الشعر علطول
ودايما تاخدي دش وتحطي مزيل عرق أو شبه قبل ما تفكري تقابلي حد
علشان مايطلعش يجري منك أو ترتبطي في ذهنه بريحه وحشة وده مش في مصلحتك تماما
مفيش داعي لو جه المرة اللي بعدها تلاقيه حاطت مشبك في مناخيره

علشان السنارة تغمز كلام لازم البنات 135211369510.gif

(9)

لازم تهتمي بنضافتك عموما مفيش داعي لحواجب الخط خليل الخط

وشنب مستر إكس ودقن الجدي

وإيدين ورجلين نسخة طبق الأصل من ايديه ورجليه

فاهماني طبعا ومتعمليش عم العبيطعلشان السنارة تغمز كلام لازم البنات 03.gif

علشان السنارة تغمز كلام لازم البنات 135211369510.gif

(10)

لو في أي عيب انتي شيفاه في وشك

ومخليكي مش بتعرفي تبصي في عينيه

يبأه يا تعملي عملية تجميل

يا تتعلمي ازاي تخبي العيب دا بالمكياج

يا تتصالحي مع نفسك

وتعرفي ان وشوش الناس كلها عيوب
بمافيهم وشه

فلا تعايرني ولا اعايرك الهم طايلني وطايلك

علشان السنارة تغمز كلام لازم البنات 135211369510.gif

(11)

لغة العيون مهمة جدا

وسكة داري العيون داريها

السحر باين فيها

حقيقية لأن العين مراية النفس

ولو النفس حلوة بتبان في النظرة

ولو النفس وحشة

يبقى تنسي سكة العيون دي خااااااالص

علشان السنارة تغمز كلام لازم البنات 135211369510.gif

(12)

مش أي نظرة عين توقع

ده فن في بنات بتتقنه بالفطرة

وفي بنات بتبص بسذاجة

أجمد نظرة هي والوش نازل شوية

والعين بتبص في عين اللي أدامها مباشرة

مع ابتسامة خفيفة وإوعي تتكسفي وتبصي في الأرض

حتديله انطباع إنك مش واثقة من نفسك

وهتفضلي في خانة الأخت العزيزة!

علشان السنارة تغمز كلام لازم البنات 135211369510.gif

(13)

سمعتك هي رأسمالك

ولازم تحافظي عليها في أي مكان

الدنيا صغيرة وكله بيتعرف مهما حاولتي تخبي

والريح الوحشة بتطفش السمك النضيف ..

قصة مادي و”النظارة السوداء”

مجرد قصة ومش ديما بيطلع “أحمد مظهر”

اللي بينتشل من الضياع

لأ ده عادة اللي بيطلع هو توفيق الدقن

وأحلى من الشرف مفيش يا آه يا آه !!

علشان السنارة تغمز كلام لازم البنات 135211369510.gif

(14)

“وعشق الروح ملوش آخر لكن عشق الجسد فاني”

يعني ركزي أوي على الروح دي والشخصية اللي لازم تتعبي أوي

سواء في اختيارها أو في:

تكوينها وتنميتها وتنصيحها

وتثقيفها وتنقيتها وجهادها

وتقويمها و……..

علشان السنارة تغمز كلام لازم البنات 135211369510.gif

(15)

النجوم دايما هي اللي بتبان

وتبأه محط أنظار الجميع

لو بتدرسي لازم تبقي الأولى

لو بتشتغلي لازم تبئي متفوقة في شغلك

لو بتلعبي رياضة لازم تاخدي جوايز

كده تضمني إنك حتكوني حلم حياة كل الرجالة حواليكي

ومحور اهتمامهم

واختاري انتي براحتك بأه ..

علشان السنارة تغمز كلام لازم البنات 135211369510.gif

(16)

لازم تختاري واحد تكون بينك وبينه اهتمامات مشتركة

علشان هو ده مفتاح العلاقة الناجحة

وافتكري القصة المشهورة اللي مالية الأفلام والمسلسلات

الزوج اللي سايب الست في البيت

ومنبهر جدا بزميلته في الشغل

واللي ساعات بيتجوزها على مراته

لإنها فاهماه وبتشاركه اهتماماته

علشان السنارة تغمز كلام لازم البنات 135211369510.gif

(17)

لو مافيش اهتمامات مشتركة وهو عاجبك

يبأه تخلقيها مش عايزاه ؟؟ يبأه لازم تتعبي

يعني مثلالو بيحب السينما يبأه تقري في تاريخ السينما

وابهريه بمعلوماتك وثقافتك

لو بيحب العلم اتحولي لدودة كتب علشان تجاريه

بيحب الموسيقى اسمعي

بيحب المخدرات اطلبي له البوليس علشان السنارة تغمز كلام لازم البنات 7.gif

علشان السنارة تغمز كلام لازم البنات 135211369510.gif

(18)

لو ما عندوش اهتمامات أصلا يبأه منصحكيش تماما

مش معقول حتتجوزي ورقة بيضة مملة

عرضة لإن أي حد ممكن يشخبط عليها

أو يكتب عليها حجات تودي في داهية

الا إذا كنتي انتي كمان ما عندكيش اهتمامات

وصباح الناس اللي عايشين على وش الفتة

علشان السنارة تغمز كلام لازم البنات 135211369510.gif
(19)

انتي كمان لازم يكون عندك شغلك

ولو بسيط واهتماماتك ولو بسيطة وانصحك انك ترمي سنارتك

في مجال اهتماماتك

كده فرصتك حتكون أكبر في إنك تلاقيه وتلفتي نظره

وافتكري : ان الطيور على أشكالها تقع

فخليكي طير ممتاز ومميز
علشان السنارة تغمز كلام لازم البنات 135211369510.gif
(20)

المعرفة سلاح

لازم تكوني مثقفة وملمة بمواضيع كتير

بحيث انه يلاقي نفسه قاعد مع معجزة

بتفهم في كل حاجة وبتتكلم في كل حاجة

مش واحدة هايفة وكلامها فارغ

أو عالمة بتتكلم في موضوع واحد بس

كده حيزهق منك ولو حصل واتجوزك

هو شهر وهيطير مع اصحابه بره البيت

ـــــــــــــــــــــــــــــــــــــــــــــــــــــــــــــــــــــــ
(21و22)

لازم تعتزي بكل انجازاتك

كمان لازم تقدري انجازاته جدا وتشجعيه على التقدم

في حياته على جميع المستويات سواء دراسة أو شغل

أو حتى في علاقاته الاجتماعية

يعني ما تبقيش طيشة زيك زي قلتها

ولازم تصطادي اللي بيقوم بنفس الدور ده معاكي

مش اللي يجيبك ورا

ـــــــــــــــــــــــــــــــــــــــــــــــــــــــــــــــــــــــ
(23)

مثقفة غنية مشهورة واصلة

المهم ما تكونيش غاوية منظرة

وقاعدة تتنطتي عليه بمعلوماتك

وفلوسك أو بالمعجبين وعلاقاتك

صدقيني شكلك بيبأه وحش أوي

وبيحس علطول إن عندك نقص

أو بيخاف من المستوى وبيطفش

لو انتي من النوع دا …. تعالجي

ـــــــــــــــــــــــــــــــــــــــــــــــــــــــــــــــــــــــ

(24)

الأبراج في بداية العلاقة مهمة جدا

لازم تذاكري صفات الأبراج

ده علم وصدقيني الشخصيات بتكرر

ومعرفتك ببرجه هتوفر عليكي كتير أوي

وهتخليكي تعرفي حجات كتير عنه

من غير ما تتعبي أو تسأليه

لكن ده ما يمنعش لكل قاعدة شواذ!

ـــــــــــــــــــــــــــــــــــــــــــــــــــــــــــــــــــــــ

(25)

اتمرني شوية على معرفة ابراج الناس

وانتي تقدري تعرفي برجه من طريقته

ومن غير ما تسأليه وبالتالي

لو قلتي له انت برجك كذا وطلع صح

هيتكوم منك

طلع غلط ….. قولي له “غريبة مع انك تدي البرج ده”

هيقولك “شمعنى”

تروحي قايلة له أي صفتين حلوين

هيفرح بنفسه ويتكوم برضه ويعديها

ـــــــــــــــــــــــــــــــــــــــــــــــــــــــــــــــــــــــ
(26)

عرفتي برجه ؟ حلو أوي

ابتدي في الأزرق وعيشي دور شندي الفلكي

ورصيله صفات البرج واللي عادة بتطلع صح

هيتثبت وهيطلب منك تقولي كمان

خشي بتقلك وابعدي عن العيوب

وركزي في المميزات

كده هيحس بنفسه أوي وبإنه شفاف قدامك

وبإنك جامدة مووت وهيدمن الكلام معاكى

ـــــــــــــــــــــــــــــــــــــــــــــــــــــــــــــــــــــــ
(27)

الصفات الحلوة هتشبع غروره

وتخليه يحس أنك مميزة عن كل الناس

لأنك انتي اللي قدرتي تشوفي حقيقته الجميلة اللي الناس مش مقدراها

وحقيقته دي ممكن تكون موجودة في دماغه هو بس

يعني خلي بالك وماتصدقيش انتي كمان

انها حقيقته فعلا الا لما يثبتهالك

دية أصول اللعبة يا حلوة!!

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى