عــنزه تــبكي؟
عــنزه تــبكي؟
هذي قصيدة رثاء لــ حمود بن متعب بن محروت الهذال الحبلاني العنزي ولد شيخ مشايخ قبلية عنزه رحمة الله عليه
لاشك ماللعبد بدنياه مقسوم= وامر الولي مكتوب ماعنه ميله
الغيب عنده والقدر شئ محتوم= ماللبشر عند المقادير حيله
نطلب عسى الله يغفر ذنوبنا دوم= ويكفينا شر أيام بقعا النكيله
ويرحم بعطفه كل هايم ومهموم= وبقلوبنا الأيمان يرسي دليله
ويرحم عزيزٍ راح من بيننا اليوم= لجوار ربه فوق بيد ٍ جليله
يد الأجل طالته ماينفع الوم= غير الترحم والدعوات الفضيله
جانا الخبر ياليت ماجاء معلوم= ولا جاء فجأه علم عجزة أشيله
علم ٍ يهز طويق وجبالها عموم= هز الحماد وهز نجد الطويله
ركن ٍ أهتز وهز معه اربع حزوم= اركان (وايل) كلها تعتزيله
ليت الخبر ماكان ولاجاء مضموم= ليت المنية وقفت عن سبيله
خبر رحيلك يابن هذال مشؤوم= ليت القدر يرضى بغيره بديله
بعز الشباب اقفيت ياحمود ملزوم= وخليت ارث ٍ ماحد غيرك يشيله
رحلت عنا باليلةٍ مابها نجوم= ليله صدمت ياحمود كل السليله
موتك خسارة لكل عاجز ومظلوم= وخسارة(الويلان) عقبك ثقيله
ينعاك(قصَر)مالهم بعدك عزوم= وينعاك اخو ٍ ماغفل عنك ليله
وينعاك صاحب ماشكا بيوم مضيوم= وينعاك جارٍ مالحقه منك عيله
وينعاك سجين ٍمن ورى الباب محكوم= وتنعاك هنوف ٍ كان ترجى حليله
وينعاك يتيم ٍماشكا وقال محروم= وكل من رجا ياحمود منك تشيله
وتنعاك (وايل) وكل قبيلة لها سلوم= فدعان وعمارات وكل الحميله
والولدعيه والروله وفزعة القوم= وجمع السبعه وصقور بيضا النثيله
ياشيخ مانرخصك لو بيننا تخوم= لو وقفت كل الجيوش العميله
لونها بالجاه والمال والسوم= ماحد تونا عنك وربه كفيله
ولونها بالحرب والضرب والحوم=(اعيال وايل)كلها تفتديله
من أقصى الجنوب لشام ولديرة الروم= كل ٍ يجهز عدته وينتخيله
نسل الحرار اللي على الماكر تحوم= اخوان بتله عز من يرتجيله
من نسل عود ٍ لصعيبات زيزوم= لاثار عج الخيل ينطح قبيله
مرحوم يابو سلطان مرحوم مرحوم= ومرحومه روحٍ غاب عنها دليله
يالله تبيض صفحته ان كان مغروم= وتغفر ذنوب ٍان كان عنده قليله
وتشفع لروحه من الخطأ وغفلة النوم= وبجنة الفردوس تجعل نزيله
وتلهم ذوية وكل عزيزٍ له يروم= بالصبر والأيمان وسلوى رحيله
وصلاة ربي عد مالاحت غيوم= وعداد ماهلت مزون ٍ مخيله
على نبي ٍ من الخطأ دوم معصوم= ادى الرساله بكل حكمة وسيله