عشان انا بنت … لية يا مجتمعى مبتقدرنيش ؟ 2019

وحشتونى جداا عشان مجتمعى مبتقدرنيش 28.gif
مع انى لسة كنت معاكم فى القسم المفضل بالنسبالى
** فتيات تحت العشرين **
هكلمكم فى موضوع لازم كلنا نتكلم فية
موضوع اغلب المجتمع شايفة كدة
لا أغلب المجتمع اية ؟
دا المجتمع كلة شايفة كدة
شايف ان …
البنت المحترمة متاكلش وهى ماشية فى الشارع !
البنت المحترمة متطلعش رحلات مع الجامعة !
البنت المحترمة متكتبش اسمها !
البنت المحترمة متلبسش اكسسوارت !
البنت المحترمة متقفش فى البلكونة !
لية يا مجتمعى ؟؟!!
لية ماكلش , مطلعش ,مكتبش ,ملبسش ,مقفش ؟

عشان مجتمعى مبتقدرنيش 13371_21197199616.gi

** هو عشان انا بنت مينفعش استنى واحدة صاحبتى غير لما اسمع : هو اداكى بومبة ولا اية

** هو عشان انا بنت لو حاولت ادافع عن نفسى فى الشارع او اهزق اى واحد مش محترم الناس كلها تبصلى وتقول عليا بجحة ؟

** هو عشان انا بنت بيختزلونى دايما فى اعمال البيت مش مهم انا جبت مجموع اد اية المهم اكون بعرف اطبخ ولا لأ !

عشان مجتمعى مبتقدرنيش 13371_21197199616.gi

** هو عشان انا بنت لازم الغى عقلى وانفذ التعليمات دون تفكير !

** هو عشان انا بنت مطلوب منى انى اعمل كل حاجة فى البيت واخويا باشا عشان ولد !

** هو عشان انا بنت يبقى كل حلمى ضل راجل لا شغل ولا تعليم ولا كلام فاضى !

** هو عشان انا بنت مش ضرورى المشوار دة … محدش فاضى يوديكى !

عشان مجتمعى مبتقدرنيش 13371_21197199616.gi

** هو عشان انا بنت اول ما اتولد بيبقوا خايفين يقولوا لابويا !!

** هو عشان انا بنت اللى هيتجوزنى هيبقى عمل فيا جميلة وريح عيلتى منى !

** هو عشان انا بنت لو اتاخرت برة لازم ابرر للشارع كلة اتاخرت لية ؟ وكنت فين ؟

** هو عشان انا بنت لو اختى اللى اصغر منى اتجوزت قبلى يبقى فيا حاجة غلط ؟

عشان مجتمعى مبتقدرنيش 13371_21197199616.gi
يا رب يكون الموضوع عجبكم يا * عدولاتى *
بحبكم جداا والله عشان مجتمعى مبتقدرنيش 28.gif
وكل سنة وانتم طيبيبن
عيد سعيدعشان مجتمعى مبتقدرنيش 130151.gif

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى