شعر مضحك

فيروس هجرك عطل الفؤاد تعطيـل …… ودمر ملفات الفـرح فـي حياتـي

ياللي استقرت الفؤاد بدون تحميـل …… متـى لموقعنـا تشـرف وتـأتـي

عنوانكم ماهـوب ياهـو وهوتميـل …… عنوانكـم روحـي و قلبـي و ذاتـي

كم مرةٍ أرسلـت لـك عبر الإيميـل …… وأدورك فـي منتـداي و شـاتـي

وأرسلت لك يازين فايـلٍ ورى فايـل …… فيها الغلا والحـب يا أغـلى أمنياتـي

وأرسلت لك حكاية عذابي مع الريـل ….. ياللي غيابك هـو سبايـب شقاتـي

دايم عليك أبحـث بياهـو و جوجيـل …… وأنـت ولا تسـأل علينـا بتـاتـي

خابرك بانتيوم فـور أصلـي و إنتيـل …… إلا أن خسـارة غيـروك الوشاتـي

وقد كان الهكر غروك بالقـال والقيـل …… بأدعي عليهم في سجودي وصلاتي

ياجعلهـم بقعـاء وطيـرٍ أبابـيـل …… ترمي عليهم بأمـر ربـي حصاتـي

يرضيك من حبك غدى منهك الحيـل …… ريقي غدى ناشف ويبسـت شفاتـي

أقضي الليالي دمع عينـي همايـل …… لا مـن طريت لـي تـبـدد سبـاتـي

صحـراي جفـت مالفانـا مخاييـل …… وأنت المزون اللـي تـروّي نباتـي

وياشين جاري لا قريـت المراسيـل …… في الأوتلوك أذكر روايات ماضياتي

منك حزين الحرف شـاف البهاذيـل …… وقلبك مثل قرصٍ صلب في القساتي

موقعك في وجهـي مقفـل بتقفيـل …… حتىالبروكسي مانفـع وش سواتـي

بمفضلـة قلبـي عطينـاك تفضيـل …… أنـت المفضـل عندنـا يا غنـاتـي

ويا زين هجرك عطل الفؤاد تعطيـل …… ومن غير شوفك وش تساوي حياتي

كني بدونك قرص فـارغ ولا فايـل …… فاسـد ومرمـي بسلـة المهملاتـي

ماعدت أفرق بين اكسس و أكسيـل …… وماعدت أفرق بيـن بالتـوك وشاتـي

وبأشكي على لوحة المفاتيح كثر الغرابيل …… وأكتب على الوورد المطور وصاتي

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى