شعر مدح قبيلة شمر 2019, قصائد في قبيلة الشمري

أشعار فخر في الشمري – قصيدة غزل شمرية
أنا والشعـر تربطنـا مـوده
= وإليا بيحت سدي بـاح سـده
أقوله وأعتني به وأفتخـر بـه
= ولا وقفت بموقف غيـر قـده
أحبكه حبك من معنى وفكـرة
= وأهول مبعد النظـرة وأشـده
وإليا منه نشدني وش طموحي
= طموحي يوم أجي شمر وأعده
زحازيح تشرف مـن مدحهـا
= لهم عن غيرهم عشرين شـده
مغازيهم من إثقـال المغـازي
= وطرايحهم تعيش الطير مـده
وقلايعهم من خيـار القلايـع
= وسلطتهم على كبـار الأشـده
يردون الحفيف إن كبر جـوره
= مثل وصف النمور المستعـده
معاديهـم حفيـده يرتعبهـم
= يعرف افعولهم من حكي جـده
وعرفوا في سناعيس وطنايـا
= وكل واصـل بالطيـب حـده
واحدهم لا جت الطنيه براسـه
= ما تستبعد طويـق إنـه يهـده
تساوقهم سعاطيـر الرجولـة
= وكثر الطيب فيهـم مـا نعـده
عطاياهم بحـر وإذا تقصـوا
= وش البحر الأحمر جزره ومده
لهم تاريخ أبيـض كالسحابـه
= من أقصى حايل ليا بحر جـده
وبعد جينا على حفل المخيدش
= لا بد الشعـر يدفعنـي لا بـده
شيوخ قسمهم بالطيب واضـح
= وباب المدح عنهم مـن يسـده
وإليا جت المعايا بالعـزاوي
= معاديهم توطـوا فـوق خـده
صواريم ربت بأرض الجزيرة
= وشاهدهـم بسـاط المجرهـده
وإليا ركبوا على بنـت العبيـة
= محاربهـم تجافيـه المـخـده
تحلـوا بالشجاعـة والمكـارم
= وقف النفس والحيـل المعـده
واختمهـا بذكـر الله وأوقـف
= ولا أوقف بموقف غيـر قـده
بديت باسم اللي يسوق السحايب
المعتلي الباقي النافع الضار
الله يوفقنا من القول صايب
في مدح شجعاناً من الطيب تجار
المدح في شمر يسوق العجايب
وانا افتخر في مدح وافين الاشبار
شمر على الفنين مثل العقايب
وللطيبين الذ من بر الابرار
رجالهم شب وعلى الطيب شايب
وترتاح من شمر بعيدين الانضار
وشمر بعون الله تشيل المصايب
عن الخوي والدم والضيف والجار
غصباً على الحساد وابليس غايب
وغصباً على ولد الردي طافي النار
وغصباً على اللي نصف طيبه لعايب
وغصباً على مجازي الجمايل بالانكار
وشمر الا شبت اضوي الحرايب
عدوهم ذاق السقطري والامرار
شمر شيوخاًيتعبون الركايب
على الفخر والطيب والعز والكار
ما يا خذون الطيب كذب ونهايب
كرمهم الله به وقالوه الاخيار
شمر يفكون الدخل والنشايب
بالعقل والحكمه وزين التبصار
يوم الحلول الاوله بالنجايب
تاخذله من فرضة الشام مسفار
يسترون احوالهم والقرايب
ويكرمون اللي يلفون خطار
بصحونهم تردم اسوات الزرايب
مثل الرجوم اللي ردم فوقها احجار
فيها الشحم والرز والسمن ذايب
تحتار في طيب السناعيس تحتار
يا خرعت أهل البخل لا جت نبايب
ويا فرحت اللي جاء من بعيد الاقطار
الطيب حق وللمثايل سبايب
والحق له عندي معزه ومقدار
العفن من طيب السناعيس هايب
وساع الطعون اصحونهم اثقال واكبار
وإنا الإ قلنا نصيب الضرايب
ودايم نروح يمين ما نمشي يسار
وتمت بذكر الله عداد الهبايب
وعد النبات وعد هما الامطار….

مقالات ذات صلة

زر الذهاب إلى الأعلى