شعر ليبى حوار بين خروف وطني وخروف بلغاري 2019
شعر ليبى على عيد الاضحى
حوار بين خروف وطني وخروف بلغاري
الوطني
يابلغاري غير تهنى @@@ لانك منظر لانك بنه
الخارجي
يامتخوخم وسع بالك @@@ ماهن تو ايام دلالك
الوطني
ايام دلالي يالرخيص @@@ انفنص في الشاري تفنيص
البلغاري
فرقت تفنيصك يازاطل@@@ قدرك طاح امغير اتماطل
الوطني
قدري يابلغاري عالي @@@ في وطني مانمشي جالي
البلغاري
ماتاكل في عشبت وطنك @@@ بالخبزه مليانا بطنك
الوطني
انقدر في اظروف الموال @@@ الخبزه ناكلها في الحال
البلغاري
نا ناكل ديما في العلفه @@@ يلي حقك يبي سلفه
الوطني
اخزي عالدنيا وين اتدور @@@ اتخلي بوقيمه طرطور
البلغاري
ياطرطور خلاص خطاني @@@ نا ماني فاضيلك راني
الوطني
حتى نا ماني فاضيلك @@@ عدي غادي دور جيلك