شعر عن المنتخب السعودي , خواطر عن المنتخب السعودي
بالطول بالعرض سعودي يهز الارض
بالطول بالعرض سعودي يهز الارض
وجينا اليوم نشجع يا اخضر يلا بدع
شوف زحمة المدرج على فنك يتفرج
وصل الاعصار الصقور يهز الملعب على طول
حاظرين وكلنا شهود سعودي قدها وقدود
حيو السعودي حيوة سعودي مافي زيه
العب وربي يرعاك يااخضرنا حنا وياك
الاخضر هذا زلزال ورى خصمه الاهوال
هز الارض هزة كله شموخ وعزة
اخضرنا حنا وياه يبغى الفوز يبغاه
اخضرنا وسعودي سيد كل الابطال
حيو السعودي حيوة سعودي مافي زيه
العب وربي يرعاك يااخضرنا حنا وياك
هاجم يلا قدام واحنا نشيل الاعلام
هجمة سعودي فنان للكورة يعزف الحان
حاول يلا هدف وبأسمك احنا نهتف
اخضر وياما قد فاز انجاز ورى انجاز
حيو السعودي حيوة سعودي مافي زيه
العب وربي يرعاك يااخضرنا حنا وياك
يااخضر اصحى لاتفوت فرصه
لعبك ذوق واخلاص بيض وجيه هالناس
ويلا خذ ياكابتن بكورة حلوة سلطن
يااخضر كلنا شهود انك قدها وقدود
حيو السعودي حيوة سعودي مافي زيه
العب وربي يرعاك يااخضرنا حنا وياك
ألـف مبـروك نـلـت الـفـوز يالآخـضـر وشرّفتـنـا
صدق كان اللقاء صعبا ولكن الخُضر جاهدوا به
مثـل سمحـان يـبـرك للحـمـول الـجـور واشتلـهـا
برّدوا وجه ذاك الشيعي المتسمي أحمـد نجـادي
اللـي ماغيـر يتدخـل ويذكـي النـار بـيـن الـعـرب
وانا من كم سنة بطلت اشجع لكـن اليـوم يومـي
رغم حزني وخوفي من مفاعل دولة احمد نجـاد
مابقـول السعوديـيـن فــي ذا المنتـخـب كرهـونـا
بالتفاحيـط والا بالمشـاكـل فــي الـمـدن والـقـرى
وادري الفوز ماهـو مكتمـل بغيـاب سلطـان عنـا
لـكــن الله يـــرده لـلـوطــن ونـقـابـلـه بـالـفــروح
يالله انـك تشافـي سيـدي واحـسـن لــه الخاتـمـة
الــــــــــــــــــــــــــــــــــــــــــــــــ ــــــــــــــــــــــــرد
والله يـا احمـد نجـاد انـه لجـاك اليـوم شـر افتـنـا
منتخبـك القـوي كنـه يادوبـه يحـرز الجـاه دوبـه
مدري ارواحكم فـي ملتقـى الشجعـان وش تلهـا
انهزمتـم هزيمـة ساحقـه مـاعـاد منـهـا نـجـادي
يوم جوكم صقور المملكة قوم الشـرف والعـرب
رغم ذاك الحكم ماكنه الا غصـن يابـس ويومـي
يحسـب انـه بينجـدكـم ومــن ربــي عليـنـا نـجـاد
طبعـنـا مايجيـنـا فــي نـهـار الـفـر والـكـر هـونـا
يشهـد الله لنـا ثـم الــذي فــي المـجـد الاول قــرا
رغـم قلبـي علـى غيبـة ولـي العـهـد دايــم معـنـا
لو بيدّي فديته مـن زحازيـح العـرب بالـف روح
حتى لو كان مايسوون قطعـة مـاس مـن خاتمـه
