شتاوى علم ليبيا 2019, اقوى مجموعة شتاوى وغناوى

تخايلت فيك خيال نحساب هلك يادار عاودوا

نرمى شور المولى حملي واللى مكتوبه تقسملى

دار عزيز بعد فضوها مقوى عزم اللى يوطوها

من لولاف مليت اعيونى عارفهم ماعاد ايجونى

ياعينى خليهم عنك بكرى ليام اينسنك

مانى ابها مفجوع لطت الصوب وبكيتي بدموع ديما اتصيرلى

كيف الدمع ايجى يجارا تلقانى في حومت داره

راح عزيز ونحنا رحنا لوكانا امغير ايسامحنا

مقهور ونبكى فى سرى مانقدر للناس انورى

مديت للعزيز ايدى نكر وقال نا وين نعرفك

الدنيا كى تزهد فى الحى اتبكيه ومو داير شئ

قديم اغنى قلت افتكيت ونا واجعنى غير كميت

لناشد ونا مقهور نضحك وانقول راحو يربحوا

ياعينى اللى توجع فيا انحن عليه وماهو ليا

درتو صوب جديد افرحتو هذا وجهى كان اربحتو

البخت هو اللى بالهون لوكان لى سعد مافارقو

اللى وجعتنى من لاشئ تغير صاحب صوب على

ياما بكن لنظار يوم رحيله اللى قبل يشكيلى ونا نشكيله

اتصدق فى لخرين على بعد ماكنت اتصدق فى

كان النيه السوده فيكم امسامح والهادى يهديكم

ننظر فيه اعزاز خطاهم لكن داير روحى واهم

عينى مانقدر ننهاها فى اوقات انعوز ابكاها

طالن ليام تلاقينا جارحنا عينى فى عينه

مايقدر يرفعها عينا عارف روحا غالط فينا

كان جفوك راكى تجدى على لولاف بقسوه ردى

على خلاى نبقى خير ننظر عزيز عينى اتوالفه

مليانه اهموم ودمع العين نابشوها صرخت

اتصدق كى قتله نبيك تباعد قال الله يهديك

ياعينى اللى جاك ايسدك ماعاد اتغالى من جدك

فى اوقات اللى ترجاها ماتقسم واتعيش بلاها

نبكى موش غلا فى اعيونه وجعتنى ياناس الخونه

ياعوين اللى عزمه فى ايده ينسى كل عزيز ايردا

وين اديار قديم لقينا ذكره كاتبها غالينا

هف على وقال انسيتك يلى من جدى حبيتك

عزق اغطاه وعيو هله ينشد ايقول جونى وينهم

العيب ماانعيبو فيه إلا القدر ماعاد يلحظا

نضحك ونهلب فى السيه مش اهبال نظافه نيه

ان درت جديد الله يهديك ماعندى بيش انكافيك

دار قديم امغير اتبكى سبحانه ماكانت هكى

نا وقديمى ياما قلنا لكن فى لقسام وحلنا

مانى من الساعه ضانيهم نين اعزاز انموت عليهم

عطاهن الله الصبر حتى وهن زعالا يضحكن

فيه اقسام وفى خطا احسبهن قبل ادير غلا

كان عزيز وكنت انريدا لكن ضيع قدرا بيدا

مو دايم فى الدنيا والى يوم افراق ويوم غوالى

ناخذ فى الليل على راسى ع الغالى والغالى ناسى

صبيت انريد انودعهم مدولى روس صوابعهم

اتقول واحيه لفراق الها زمان عينى امرقرقه

مقالات ذات صلة

زر الذهاب إلى الأعلى