زوجتى العزيزة-ارجوكى ودى اهلى-قبل ان ينهدم البيت 2019

السلام عليكم ورحمة الله وبركاته
حصلنا بلاء فى الاسرة كبير اوى ……بس اتعلمت منه درس مهم اوى

لازم لازم تفهم الزوجة الصالحة والذكية…….انها تقدر تكسب قلب الزوج وترضى ربنا
فى وقت واحد باعمال بسيطة جدا مش هتكلفها حاجة
حتى لو فرضنا ان الزوج بيأذى الزوجة -وفيه العبر – وهى مش طايقاه ووووووووالخ
لكن مادام هى بتحبه وعايزاه والا لو كانت مش عايزاه ومش قادرة تتحمله كانت
اتطلقت منه من زمان…..اذا يا ايتها الزوجة الصالحة
الحقى استغلى الفرص قبل ما يفوت الاوان….
شوفى ايه مداخل زوجك الى تألف قلبه ليكى واعمليها
أبسط شئ اهله
لو بس بشاشة فى وجه الاهل ….لو اتصال تليفونى تسأل عن صحتهم
لو هدية جميلة فى كل زيارة …ولو بوردة ….ولو بعلبة بسكوت
و اضعف الايمان تعلم ولادها بر جدهم وجدتهم واحترامهم

لو فعلا كلنا كنا بنعيش حياتنا فى سبيل الله…مكناش نلاقى كم المشاكل دى
فى الاسر والبيوت وانهدام البيوت والطلاق بقى عامل زى الوباء

لو كان كل تعاملنا مع بعضنا يكون لمرضاه الله فقط …لكانت حياتنا اسهل من كل
العقد دى
فعلا البعد عن شرع الله وسنه نبيه صلى الله عليه وسلم
هو الشقاء بعينه
بقت موضة دلوقت كل واحد وواحدة تقول نفسى اموت شهيدة نفسى اموت شهيد

إزاى نفسك تموت فى سبيل الله وانت مش قادر تعيش فى سبيل الله!!

لو فعلا كنت عايش فى سبيل الله………كانت صلتك بالخلق هى صلتك بالخاااالق
انت كدا
انت فعلا كدا ؟؟
فكر كويس وفكرى كويس ..الحياه مش مستهلة السخط على القضاء
والقدر….الحياه مش مستهلة ان انا نفكر فى نفسنا وننسى واجبتنا
————
ايه ذنب اهل الزوج اذا كان الزوج بيأذى زوجته ولا يتقى الله فيها؟؟
طب لو هى مضايقة منه وخلاص فاض بيها الكيل
ما تشتكيه لأهله …..بدل ما تعاقب اهله بمعاملة زوجها ليها
فى كتير بيقولولى ……الواحدة مبتبقاش طايقة
حد من اهل الزوج لما زوجها بيهينها او بيضايقها او بيظلمها
طب هما لو يعرفوا انه بيعمل كدا فيها ……..كانوا عنفوه ووبخوه وحذروه
وكانوا اكيد هيقفوا فى صفها
لكن هما ذنبهم ايه لو ميعرفوش الحقيقة
والظاهر لهم ان ابنهم هو المظلوم ومتحمل حياته مع مراته المقصرة المهملة
انا عايزة واحدة متجوزة تقنعنى ……لو زوجك مضايقك وانتى مش طايقة اهله
رغم انهم طيبين ومسالمين ومأخروش عنك طلب
دا يبقى يرضى ربنا الى بتعمليه دا؟؟
طب ما انتى ممكن ابنك يكبر ويتجوز ومراته تعمل معاكى كدا
ساعتها هتحسى بإيه؟
ساعتها هتحسى باحساسنا …….لما اهله تحملوكى سنين طويلة
وانتى بتذيدى فى الامبالاه..مقدرش اقول غير ان ربنا لا يظلم مثقال ذرة

وفى النهاية لا نقول الا ما يرضى ربنا
و إنا لله و إنا إليه راجعون ……اللهم اجرنا فى مصيبتنا واخلف لنا خيرا منها