رمـــضـــآآن خـــلآص… ادخــلى عــشان تعــرفي هتعــملى ايه 2019
لازم نعمل حجات بقي لتجهيز رمضان
.
اول حاجه .. لازم ننضف طبعا الشقه مع ماما … واول حاجه اوضتك … روقي دولابك و سريرك عشان طبعاا رمضان هتكونى مش قادره تعملى حاجه .. ف لازم نكون مستعدين …
.
بعد كده تساعدى ماما انك تروقي الشقه
.
و طبعا مننساش زينه رمضان … لازم نعملها … ونعلقها .. وهنا بتكون المتعه … وانا هقولكم طريقه سهله و هى الحلقات … هى ان احنا بنقطع الورق بالطول … زى كده :
و ندهن احره بخليط من : النشا + ميه … نقلبها لحد ميكونوا سايلين زى الطحينه كده … ولزقهم بحيث يكونوا حلقات
.
وده بالنسبه للزينه …. بعد كده نغير طبعا صورنا اللى على عدلات او الفيس او تويتر او اى موقع لصور رمضان
.
.
.
.
وبعد كده احب اقدملك نصايح لرمضان .. ياريت تتقبلوها منى ♥ :
1- لازم نعمل ورد ف القران .. على الاقل جزء . عشان نختمه ف رمضان
2- لازم تقللي من مشاهده التليفزيون على قد ما تقدرى … يااا ريت لو متتفرجيش خاالص … لكن لو مش هتقدي تقعدى كده .. اتفرجى مثلا على مسلسل او اتنين .. ويكونوا كويسين .. كوميدي او كده .. مش حاجه تخدش الحياء …… و طبعا لازم نتابع البرامج الدينيه .. واللى انا عرفته من مواعيد البرامج الدينيه هو برنامج انسان جديد لمصطفى حسنى .. يوميا الساعه 9 على شاشه النهار … و انا هكون معاكم اول ما اعرف اى معاد ديني تانى
3- نحاول ننتظم ف صلاه التراويح .. حتى لو مقدرتيش تنزلى المسجد صلى ف البيت …
4- الناس اللى للاسف مش بتصلي … تحاول بقي تنتظم ودى فرصه عشان تتعود … حاولوا تصلوا ..
5- رمضان طبعا شهر العزايم … ف اعملى خيير .. يعنى مثلا قبل الفطار نزلى علبه تمر المسجد .. او اعملى شنط رمضان ووزعيها ع الغلابه .. وهكذا
6- اعملى مفاجات لعيلتك بانك تجيبلهم فوانيس .. او تعملى اكله جديده او اي حاجه كويسه
7- خليكي انت سببب تجمعهم … بعد الفطار كده اقعدوا اتكلموا وهزروا .. لان اللمه دى مبتكونش غير ف رمضان ♥