دمعه عشق
دمعه عشق
ابد ماكنت ابي اعشق ولا اسكن درب الشوق
ولكن ماقدرت اخفي شعوري يوم قدامك
عشقت الحب بوجودك وساقتني الأماني سوق
بنيت من الفرح قصر لجل تاطاه اقدامك
وتروي بي بساتين ابد ما زارهم مخلوق
وتتغنى بك ايامي واسافر بينها انغامك
رغم كل العنا امضي والا يوم لمحت بروق
اقول النور ساكنهم رغم صدك وايلامك
وقلبي من عرف قلبك غديت النا دما وعروق
نلوح للفرح بايدك ونبحر بين اوهامك
انا ما لومها نجمه……..تنور في سماكم فوق
ولا بسأل زماني يوم….ليه الليل بي صامك
تخيلت الشعرنبض يسامر خافقي المنطوق
قضى شعري…..نفذ حبري وذاب الحرف قدامك
اشوف الدمع باوراقي مرايا خافقي المحروق
انام وسادتي جمره ….تنادي القلب باعدامك
احاول استميل الفرح …عسى ينوي بيوم شروق
عسى انهي معاناتي واكسر فيني اعلامك
ابد ما كنت ابي تضوي شموعي والزمان يروق
تكون لغربتي ديره واداوي الجرح بأحكامك
حبيبي او حبيب الغير ابد ما بالمدا موثوق
سهام الحزن بحروفي غرسها قاسي اقلامك
بيوم الحب اهديتك قصيد…. يحتريك بشوق
مغفل انت ياحرفي تعيش الفرح بأحلامك
على كيفك تمشيني لأني بالهوى مسيوق
اسهر بك نجوم الكون واقوم الليل مانامك
وجاني من بعد فرقى له بدربي وعد وحقوق
هلابك ياحزن اقبل………انا والقلب ايتامك