خلاص قرر ينسحب من رحلتك ومن الحياه

:: خلاص قرر ينسحب من رحلتك ومن الحياه ::

خلاص قرر ينسحب من رحلتك ومن الحياه

ما عدت انا ذاك الذي من وين ما تسيري يسير

وما عدت انا اللي جيتك فيهـا يحقـق مبتغـاه

أصبحت من كثر التعب كني أنـا طيـرٍ كبيـر

لـو هو يهـده صاحبـه مـا يبتعـد عنـه مـداه

ما عاد يحمله الجناح ولا عاد هو يقدر يطيـر

أصبح مكبل بالهموم مـا عنـده ادنـى انتبـاه

شوفي سفينـة حبنـا هنـاك بالبحـر الغزيـر

موجه تقربهـا هنـا, وامـواج تغرقهـا بمـاه

أدري نهايتها الغرق فالوضع لو ننكـر خطيـر

المشكلـه فيهـا القلـم و الحبـر واوراق ودواه

في كل شيئٍ نختلف حتى على الشيـئ اليسيـر

ما في تفاهم بيننا, الحال مـا ادري وش دهـاه

يالسندريلا خبري عن حـال هـاذاك الأميـر

اللي ترك كل البنات واختـارك لحلمـه فتـاه

سوى لهم حفل كبير, خسـارة الحفـل الكبيـر

بايده رسم في ليلته أحزان عمـره مـع شقـاه

مسكين يبحث عن فرح, واثر الفرح دربه عسير

تشعبت فيه الـدروب, ضيـع مسالكهـا و تـاه

أصبح يسير بلا اتجاه, يمشي شوي و يستديـر

وانتـي تعرفيـن الـذي يمشـي بليـا إتجـاه

قولي لهم انه بحث عن مستشار و عـن خبيـر

عن من يشخص حالته, ومن ثم يوصف له دواه

تدرين وش قال الجميع, قالو تحمل مـا يصيـر

ما دامك و رغم الألم, ما تريـد بالدنيـا سـواه

أدري أنا طبعي بشر, أخطي ولو ماهـو كثيـر

بس ان غلاك أكبر خطا, و القلب يتحمل خطاه

و انتي بحفظه واصلي في رحلتك دون السفيـر

تراه قرر ينسحب من رحلتـك و مـن الحيـاه