خـــــــــلوهـــا ولا أقول … أقـــــــروها…!!!
فـــــــــيــروس
فيروس هجرك عطل القلب ( تعطيل )
ودمر ( ملفات ) الفرح في حيــــاتي
ياللي سكنت القلب من دون ( تحميل )
متى ( لموقعنا ) تشرف وتــــاتي
( عنوانكم ) ماهو ( ياهو ) و( هوتميل )
( عنوانكم ) روحي وقلبي وذاتي
كم مرة أرسلت لكم عبر ( الإيميل )
وأدورك في ( منتداي ) و ( شاتي )
وأرسلت لك يازين ( فيل ) ورى ( فيل )
فيها الغلاء والحب يأغلا أمنياتي
وأرسلت لك قصة عذابي مع ( الريل )
ياللي غيابك هو سبايب شقاتي
دايم عليك ( أبحث ) ( بياهو ) و ( قوقيل )
وأنت ولا تسأل علينا بتاتي
خابرك ( بنتم فور ) أصلي و( أنتيل )
لكن خسارة غيروك الوشاتي
وكان الهكر غروك بالقال والقيل
بأدعي عليهم في سجودي وصلاتي
ياجعلهم بقعاء وطير أبــــــــــابيل
ترمي عليهم بأمر ربي حصاتي
يرضيك من حبك غدى منهك الحيـــل
ريقي غدى ناشف ويبست شفاتي
أقضي الليالي دمع عيني هماليل
لامن طريتي لي تبدد مباتي
صحراي جفت مالفانا مخاييل
أنت المزون اللي تروي نباتي
وياشين حالي لاقريب ( المراسيل )
في ( الأوت لك ) أذكر قصص ماضياتي
منك ( حزين الحرف ) شاف البهاذيل
وقلبك مثل ( قرص صلب ) في القساتي
( موقعك ) في وجهي مقفل بتقفيل
حتى ( البروكسي ) مانفع وش سواتي
( بمفضله ) قلبي عطيناك ( تفضيل )
أنت المفضل عندنا ياغناتي
ويازين هجرك عطل القلب تعطيل
ومن غير شوفك وش تساوي حياتي
كني بدونك ( قرص فارغ ) ولا ( فيل )
فاسد ومرمي ( بسلة المهملاتي )
ماعدت أفرق بين ( اكسس ) و ( أكسيل )
وماعدت أفرق بين ( بلتك ) و ( شاتي )
وباشكي على ( الكيبورد )كثر الغرابيل
واكتب على ( الوورد ) المطور ( وصاتي )
وهذه النهايه حطها وسط ( تظليل )
لامت فغيابك سبايب مماتي