خاطرة , كرامتى اعتزازى
ياحضرة البوح لا تشّره على احساسي
لا مــرّني طـــاري الشعـــر وتعدّيته
||
كلام في خاطري وعلوم في رآسي
يموت من زحمّة افكاري ولا احييته
||
مجمّل جروحي سببّها ربعي ونآسي
وجرّح الحبايب عن العذّال غطيته
||
ما قلّ عزّمي ولا زاد وضعف بآسي
وفنجال الأيام في كفي تقهويته
||
قاسي غيابك وانا في عزتـي قاسي
وشلون باب المواصل ينّهدم بيته
||
ما ضقت من غيبتك لو ضاقت انفاسي
كم قلب قبلك تمنــاني وخليـته
||
آقوم من طيحتي وآطيح متواسي
لارحم حيّ الفراق ولا رحم ميته
||
مدري سحابك نضب والا فضى كآسي
مدري نسيت الغلا والا تناسيته
||
احطب من الذكريات ولا تعب فآسي
والشوق يضحك من اللهفه وبكيته
||
طيفك ليا داعب افكاري وهوجاسي
عانق من الحب خفاقي وضميته
||
هذا انا لو بكى حبري بقرّطاسي
الدمع الأزرق من عيوني ما هليته
||
آموت ما شلّت همّ ولا انحنى رآسي
ولا عاش رآس ٍ على فرقاك وطيته