جوزك بيشرب سجاير طيب تعالي وانا اساعدك انه يبطلها 2019

والله يابنات الموضوع انا مجرباه والحمد لله بيجيب نتيجه
قولو ماشاء الله ههههه
ندخل في الموضوع
انا طبعا جوزي بيدخن وارفني
وعملت معاه كل حاجه عشان يبطلها من ساعه واحنا مخطوبين
خصام
وزعل
واعمل حاجات بتضايقه قدام انه بيدخن
وهو ولا هنا لدرجه اني قولتله هجيبلك الشاي اللي بيمنع التدخين قالي مين قالك اني عايز ابطل تدخين
لحد مازهقت وبقيت انفض بس
مشيت معاه بمبدأ
مش عايز تبطل براحتك بس ماتشربش في المكان اللي انا فيه
المشكله بقي ان الفتره اللي فاتت لاقيته كل يوم علبه سجاير ب10ج ونص تخيلو
فتجننت وقلت لازم وقفه بس مش مجرد كلام فعل بجد
عملت ايه
انا عارفه اني رغيت كتير بس كنت ببين الحاله عشان ماحدش ييأس
الحل

اني بقيت كل مالاقيه جاب علبه سجاير باخد10ج قدامها
طبعا هو بيجيب يوميا فبقي اول مايدخل اشوف جاب وله لا واتعمد اسأله
طبعا اول يومين
كان فاكر ان ده كلام وخلاص
لدرجه اني لما كنت بطلب حاجه للبيت يقولي معاكي الفلوس
اقوله لا انسي
وبقيت كل يوم قبل مايرجع البيت
اتصل بيه اطلب حاجات مثلا للعشا واقوله بالله عليك ياحبيبي ماتنساش تجيب سجاير يضحك اوي ويقولي طب والله ماهجيب
وبدأ يباعد المده اللي بيشتري فيها
لاني قولته لو جبت تاني كل يوم هاخد20ج قدام كل علبه سجاير
وكنت بغيزه بحاجه بتحرق دمه وبتخليه يتجنن اقوله انا هاخد الفلوس دي اجيب بيها زيوت لشعري ولوشانات وبرفانات واقوله علي اسعار غاليه هو مش متعود يسمعها
وهو اساسا بيتجنن مني لما بعمل شوبن والله انا دايما اهدهه بموضوع الشوبنج ده ههههههههههه
وعلي فكره انا بعمل في حاجه تقرص ودنه رغم انها بضايقني
في فلوس بنشيلها عشان الجمعيات ساعات والله باخد فلوس مقابل السجاير والفلوس تعجز معانا
ببقي بموت من جوايا بس بقول لما يحس اننا اتزنقنا هيبطل السجاير او حتي يقللها
وانا جمعت مبلغ صغير كده وباذن الله هنزل اجيب حاجات نقصاني به هو بيموت منها وهقولكم علي اللي حصل

اهم حاجه في الموضوع يابنات انا تحسسيه انك بتعملي بجد مش كلام وخلاص

ولو ماجبش نتيجه انتي الكسبانه
هههههههههههه

اقولكم علي سر انا اللي بتاحيل عليه يجيب سجاير
ههههههههه
ماتنسوش التقيم والردود والدعوات الحلوه

وعلي الفكره الموضوع انا لسه مجرباه من اسبوع بس والحمد لله بيجيب نتيجه
ومتافئله خير
بس بالله عليكم قولو ماشاء الله

مقالات ذات صلة

زر الذهاب إلى الأعلى