جوانب سلبية 2019

أول شي بتكلم عن نفسي
الحمدلله تخرجت من الثانوي هذي السنه وبمعدل مرضي نوعا ما
شخصيتي الان تغيرت عن قبل وللأحسن وهذا بفضل الله
بتكلم عن جوانب سلبيه بشخصيتي وقدرت أغيرهاا
أول شي كنت كئيبه وداائم حزينه مع اني الحمدلله ما ينقصني شي
كنت ما آحس بطعم الحياه وحياتي ممله روتين اليومي ما يتغير
كنت ما أهتم بنفسي وشكلي مااا أغيره نفس اللوك ما يتغير !!
كنت انطوائيه وما أحب الجمعات ,,بس بغرفتي وع النت ووقتي ما استفيد منه ..
كنت أكرهه بنات من أقاربي لانهم يضايقوني ويأذوني كثير مارح اتكلم عن ظلمهم لي
لانه مو موضوعي,,أثرووو في شخصيتي كثيررر
لدرجه كرهت الناس والجمعات عشان مابشوفهم !!

بعد ما كتبت لكم الاشياء الي كانت تضايقني بقولكم الي تغير
أول شي صرت أحب نفسي وما أسمح لاحد يعكر علي حياتي ويضايقني
هذي حياتي ما رح اسمح لآحد يتحكم فيني وفي شخصيتي
البنات الي كنت اكرههم سحبت عليهم والله الحين اقابلهم ما كأني اشوفهم!
حتى كلامهم معد يأثر فيني
زادت ثقتي بنفسي وصرت أتكلم بجرأه واسولف ولا اهتم فيهم ..
هم كانو السبب في عزلتي الحمدلله دعيت ربي وصارو معد يهموني ..
شكلي تغير صرت اهتم كثيرر قصيت شعري واشتريت ملابس انيقه وبسيطه
وغيرت من اللوك
حتى الميك اب ما ابالغ فيه يعني بس كحل قلوس وشي بسييط
لآني أحب أكون على طبيعتي ..
مستواي في المدرسه صار أعلى وتخرجت بنسبه ارررتفعت كثير عن أول
صرت طموحه وعندي هددف وأتمنى أوصل له

وبإذن الله انقبل بالرغبه الاولى

يعني بإختصار حياتي صارت أفضل بكثيرر
حلو يكون عندك طموح تنتظرين الصباح يطلع عشان تحققين حلمك
حلو ان الانسان يحس بقيمته عشان يبدع ويفيد غيره ..
صح ما في انسانه كامله بس في أشياء نقدر نغيرهاا ونصير أفضل ..

هذي اسئله جاوبو عليها
ما هي الجوانب السلبيه في شخصيتك ؟
هل حاولتي تغييرها؟
استطعتي تغييرها أم لا ؟ ولماذا؟
استفدتي من موضوع ولا لا ؟