جـ روح الأماني !! (( محمد جارالله ))

جـ روح الأماني !! (( محمد جارالله ))

الســلام عليكم ورحمة الله وبركاتــه

هالقصيــدة اعجبتنــي حيــل للشــاعر مـحـمـد جـارالله السـهـلي
<< اكيــد ذوقــه حلــو :11oth:
وهالقصيــده نزلــت بديوانــه الجـديــد
وان شاء الله اجيب لكم اسم الديـوان

إستريـح شـويّ .. واسمعنـي ثوانـي
بعدها مسموح .. قـول اللـي تقولـه ..
جيت لـك والقلـب ماهـو بالمحانـي !
شف قبل لوصلك سابقنـي وصولـه !!
ووالله ان لو لا الغلا مـا جـاك عانـي
يا بعـد منهـم بكولـه و ضحكولـه ..
عاشقك سـوّاح !! وعيونـك موانـي :
أخذني ّ .. من الحزينه .. للخجولـه !!
أبتسم خلنـي افضفـض لـك عشانـي
الحكي غصن ٍ عجز صوتي يطولـه ..
تعقد احجاجـك وتعقـد لـي لسانـي !!
المطر يـا غيـم ضميّـان لهطولـه !!
خاطري مكسـور مـن قسـوة زمانـي
وانت ( كنْك إياااه ) وفعولك فعولـه !!
تعتبرني .. شخـص مغـرور وأنانـي
واعتبرك .. الكون في عرضه وطوله ..
آآه لـوّ تحـسّ بـجـروح الأمـانـي
كان مـا تزعـل علـي ّ بهالسهولـه !!
حط ( عمرك ) يابعد ( عمري ) مكانـي
وان لقيت قصور ؟؟ قول اللي تقولـه ..
وأنتبـه يـا سيّـد الغـيـد الغـوانـي
التشّـره والمعاتـب لـه أصـولـه ..
لا تساومـنـي ولا تـجـرح كيـانـي
كل شـي ّ إلا ّ الكرامـه والرجولـه !!

مقالات ذات صلة

زر الذهاب إلى الأعلى