تمنيتك معي
. تمنيتك معي ..::
تمنيتك معي بقية تحول خوفي اطمئنان
يا أثمن من رحل روحي تعايد بك بوجداني
تطوف الذكرى في قلبي تصحي نابضٍ شفقان
وتصرخ فيني اقداري ماعاد يعود لكم ثاني
واضيع وتنولد دمعة على خد الرجا حرمان
واصيح ويحترق صوتي (يبه) وتعيد احزاني
يخذلني نهار العيد لا قبل يجرح عدم التذكر
وذكرتك والحزن ينثر دموعه في ارض حرماني
دعيتك طالت الغيبة وفاضت فيني الأشجان
ودعيت الله يساعدني على تخفيف اشجاني
ورجعت اعزف لاعيادي نشيد الارض للانسان
لأن الارض توجد وعمرنا وحده هو الفاني
تمنيتك معي بالعيد يا قلبٍ يعلم الغفران
لو ان المستحيل اصعب تخطيته على شاني
يا ويل اللي رهن عمره لحلمٍ طاف والوجدان
وانا حلمي رغم صغره من التعذيب اعياني
في يوم العيد زارتني مشاعر ترفض الكتمان
تقيد بداخلي نار الحفها بكتماني
تقطن بداخلي صورة تذبذب أغلب الأحيان
ووين اهرب من الامي وانا الالآم عنواني