تعـــــاهـــــــدنـــــــــــا !!!!!!!

تعاهدنا أنا وأنتي عهد مـع كـل طلعـه جيـل
وخنتيني وخنتـي كـل عهـد بيننـا ضاعـي
عطيتك ثم عطيتك كل كلي والجـزا …. تعليـل
هقيتك ضفتي يـوم الهبـوب تقلـب شراعـي
ترا منتي بمجبورة على الكذب وعلـى التمثيـل
ولا والله بمجبـورة علـى حلـف بـلا داعـي
أحبـك يـوم الحـب كـان يجملـك تجمـيـل
ويعذبـنـي عـذابـك وأعــذب أوجـاعـي
أنا اللي في هواكم ما سمعت ألقـال ولا القيـل
أنا من عهدكم صانـه وحافـظ سـر ماشاعـي
ولكن عرفت إن ذا الزمن من حب فيـه خبيـل
وأكيد إني عرفت الحلـم ماياتـي وأنـا واعـي
وعرفت إن ذا الزمن هذا زمن كذب مزمن تضليل
وكل إلي يحب بها الزمـن لـه يـوم يرتاعـي
تحداني تحداني عـزاي انـه ضعيـف الحيـل
تحداني وباعك قاصر في الطـول عـن باعـي
خفقتي واعتليت وصرت واضح مثل نجم سهيـل
وقطعتي بي وأنا إلي فالهوى ما كنـت قطاعـي

أنا اللي في المحبة ما رضيـت أبدلـك تبديـل
وأنا اللي كنت شاريكـم غـلا واليـوم بياعـي
أنا فـوق هقواتـك وحسباتـك مـع التحليـل
آنا من فوق ظنك معتلي فـي كـل الاوضاعـي
ترا وان كنتي قمرا فالسما تضوي لنـا بالليـل
تراني مثل الشمس وأتحداك في نورك وفشعاعك
أنا مثل المطر وأنتي مثـل قـاع قفـر ومحيـل
أنا نون تعلى في السما وأنتـي صبـخ قاعـي
أنا ماني بمخلوق علـى شانـك بعـدل وميـل
ولا خلقت بها الدنيا بعـد مـن تلـوي ذراعـي
بحسبك مثل قطرات المطر لآمن غدت في السيل
ولا قيضت في قلبـي ولا لـك فيـه مرباعـي

مقالات ذات صلة

زر الذهاب إلى الأعلى