تعالوا نوريكم اسباب زيارة جمال سالم لبعثة فايبرز ..!!.. بقلم محمد عثمان بلل

السودان اليوم:
• حاجة غريبة إنو ناس الوصيف ما اشتغلوا بموضوع زيارة جمال سالم لبعثة فايبرز الاوغندي قبل المباراة الاولى.
• ما نستبعد الفوز الضعيف على الضيوف في المباراة الاولى السبب الرئيسي (للطناش) دا .. عشان كانوا متوقعين يفوزوا بنتيجة اكبر.
• او دا احساس بالخروج المبكر من البطولة.
• (كان انتو نسيتو .. نحن ما بننسى).
• أنا ح اكشف ليكم سبب الزيارة شنو.
• ولا مافي داعي عشان ما أعمل مشاكل لجيمي الاوغندي مع ناس الوصيف.
• يمكن يقدموا شكوى لـ(الكاف) إنو اللاعب دا كشف أوراقنا للفريق المنافس.
• (ههه ههههه ههههه) هي فضل فيها أوراق .. ما كلها راحت مع الهوااا.
• ويمكن كمان (الكاف) يقرر قبول الشكوى .. ويشطب جمال سالم نهائيا .. او يقرر اعادته للوصيف من جديد.
• من جديد جيت تاني تكسر صمتي بالنظرة الخجولة.
• وكدا يكون كردنه خسر قروشو واللاعب سواااا.
• لكن اكيد ناس الوصيف عاوزين يعرفوا (الشمار) شنو.
• ح أقول وأمري لله.
• عندي ليك خبر أهم شايلو بأشواق شديدة
• أسمعي وطاوعيني مرة أيوه تخليك عنيدة
• عايز اقولك عايز أقولك ولا سيبك أقري أحسن
• انتو عارفين جمال سالم قابل الناس ديل ليه؟
• عشان فريق فايبرز من اوغندا.
• مش جمال سالم (ود اهلهم)
• بس دي كل الحكاية.
(صمت اخير) ..
• من جديد جيت تانى تكسر صمتى بالنظرة الخجولة
• يا امل عمرى القبيل يا سنين عامرت فصولة
• وماقدرتة انساك من زمان بس طاعت احلام الطفولة

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى