بتعمل ايه وقت الخلوة ؟؟!!

السلام عليكم و رحمة الله و بركاته

بسم الله الرحمن الرحيم
وقت الخلوة

ايوة وقت الخلوة

الخلوة مع نفسك

يعني الوقت اللي بتقعد فيه لوحدك فى البيت او فى اوضتك

بتعمل فيه ايه؟
اولا لازم تعرف ان الوقت ده انت مش لوحدك؟

اه والله تعرف ان ربنا شايفك ومطلع عليك ورقيب عليك؟
هتقولي اه مانا عارف
هقولك طب عارف بقه اهمية الوقت ده؟
تعرف ان الوقت ده حاجة من اتنين
بلاءعليك
او
ربح عظيم ليك
الوقت ده بننسى ان معانا ربنا وبنقول مانا لوحدي اعمل اللي انا عايزه
وساعتها ممكن والعياذ بالله نعمل المعاصي اللي ممكن نتكسف ان حد يشوفنا عليها وللاسف بننسى ان مالك الملك ورب الارباب الواحد الجبار القهار شايفنا ومطلع علينا

اخوتى اوعوا تعملوا كده
وتكونوا من الناس اللي لما بيخلو مع نفسهم يجرؤ عالذنوب

اخوتى اوعوا تكونوا من اللي اذا خلو بمحارم الله انتهكوها
عارفين دول مين؟

الرسول صلى الله عليه وسلم قالنا عنهم في الحديث الشريف
عَنْ ‏ ‏ثَوْبَانَ-رضي الله عنهَ- ‏:
عَنْ النَّبِيِّ ‏ ‏صَلَّى اللَّهُ عَلَيْهِ وَسَلَّمَ ‏ ‏أَنَّهُ قَالَ :

‏لَأَعْلَمَنَّ أَقْوَامًا مِنْ أُمَّتِي يَأْتُونَ يَوْمَ الْقِيَامَةِ بِحَسَنَاتٍ أَمْثَالِ جِبَالِ ‏‏ تِهَامَةَ ‏‏ بِيضًا فَيَجْعَلُهَا اللَّهُ عَزَّ وَجَلَّ هَبَاءً مَنْثُورًا .. قَالَ ‏ ‏ثَوْبَانُ :‏ ‏يَا رَسُولَ اللَّهِ صِفْهُمْ لَنَا جَلِّهِمْ لَنَا أَنْ لَا نَكُونَ مِنْهُمْ وَنَحْنُ لَا نَعْلَمُ . قَالَ” أَمَا إِنَّهُمْ إِخْوَانُكُمْ وَمِنْ جِلْدَتِكُمْ وَيَأْخُذُونَ مِنْ اللَّيْلِ كَمَا تَأْخُذُونَ وَلَكِنَّهُمْ أَقْوَامٌ إِذَا خَلَوْا بِمَحَارِمِ اللَّهِ انْتَهَكُوهَا

يااااااااااااااه تخيل العقاببتعمل ايه وقت الخلوة ؟؟!! almstba.com_1369672215_191.gif
تخيل ان كل اللي بتعمله هيروح هدر؟؟؟
اللهم استرنا واحفظنا

اخوتى اوعوا تكونوا بتستخبوا من الناس
وبتقابلوا ربنا بالمعاصي

اوووووووووعوا تكونوا من اللي ربنا قال عليهم كده

كما قال تعالى:
“يَسْتَخْفُونَ مِنَ النَّاسِ وَلا يَسْتَخْفُونَ مِنَ اللَّهِ وَهُوَ مَعَهُمْ إِذْ يُبَيِّتُونَ مَا لا يَرْضَى مِنَ الْقَوْلِ وَكَانَ اللَّهُ بِمَا يَعْمَلُونَ مُحِيطاً”
[النساء:108]

اخوتى بالله عليكوا انتبهوا
لنتجنب شر الخلوة

ربنا يحفظنا جمييييعا

طب تعرف ان وقت الخلوة ممكن يكون
نعمة كبيرة عليك ومنحة عظيمة؟؟؟

هتقول ازاي ؟

تعرف ان ممكن لو عملت طاعة حلوة لربنا في الوقت ده ممكن يكون جزائك ايه؟
ربنا يغفرلك ذنوبك وكمان يعطيكي اجر كبير

ربنا قالنا ايه؟
( إِنَّ الَّذِينَ يَخْشَوْنَ رَبَّهُم بِالْغَيْبِ لَهُم مَّغْفِرَةٌ وَأَجْرٌ كَبِيرٌ )
ايه رايك؟؟
ياااااااااااه يعني انا لما اقعد وحدي امسك المصحف اقرا صفحة او اصلي ركعتين او اصل رحم او اتصدق او او او …. ده هيديني الاجر ده كله
اه والله تخيل
طب عايزة اقولك ان مش ده بس الاجر

تعرف ان في اكتر من كده كمان؟؟
تعرف ان لو خفت من ربنا وخشيته
ربنا يكرمك بدل الجنة بجنتين؟

في سورة الرحمان ربنا عز وجل قالنا ايه؟
{ وَلِمَنْ خَافَ مَقَامَ رَبِّهِ جَنَّتَانِ } سورة الرحمن

تعرف يعني ايه خاف هنا؟
هُوَ الرَّجُل يَهِمّ بِالذَّنْبِ فَيَذْكُر مَقَام رَبّه فَيَنْزِع

تعرف تبقى الظروف كلها تخليك تعمل الذنب قاعد وحدك والكمبيوتر قدامك او الموبيل في ايدك ومحدش هيدخل عليك ورغم ده كله تسيب الذنب علشان خاطر الرحمن الرحيم
يااااااااااااااااااه لما اعمل كده يبقى ليا جنتين
اه ايه رايك؟

طب هتقول خلاص والله ما عدت اغضب ربنا في خلوتي ابداااا
وهعمل حاجات حلوة ترضي ربنا فيها
بس انا عملت زمان بلاوي في السر اعمل فيها اييييييييييييييييه؟
هقولك اووووووووووووووعك تخلي الشيطان يخليك تيأس
الحل بسيط وموجود
عليك بالتوبة :

شروط التوبة:

‌أ- الإخلاص في التوبة .

‌ب- الإقلاع عن ذنبه .

‌ج- الندم على ذنبه .

‌د- العزم على عدم رجوعه إلى الذنب .

‌ه- التوبة في الوقت الذي تقبل فيه التوبة ، فلا يقبل الله التوبة عند الغرغرة قبل قبض الروح ، ولا بعد طلوع الشمس من مغربها .

‌و- إرجاع الحقوق إلى أهلها إن كانت معصيته تتعلق بحقوق الآدميين .