اوعِــى تـقَللى مـنْ قَـدْر الخِيـر اللى بتـعمـلِيـه 2019

آآيـــوه زى مابيقول العنوان بالضبط
بلاش نستهون بأى حاجة كويسه بنعملها
وياريت دايما نصفى النية عشان ناخد ثواب على عملنا ده .
انا هقولكوا موقف حصلى .

الموقف ده حصل السنة اللى فاتت ف أيام الدراسة
يومها كان الجو حر جداااا وكان عندى امتحان وخرجنا من المدرسة
على الساعة واحدة ووقفنا بقى عشان نركب مواصلات والمدرسة كلها خرجت ف نفس الوقت على غير العادة
المهم مكانش فيه اى ميكروباص راضى يقف وبعد تقريبا نص ساعة لقينا واحد وقف بس بعدنا شويه
ولسه انا وصحباتى راحين نركب لقينا شلة ولاد طلعت تجرى وسبقتنا وركبوا هما

وانا طبعا كنت هتهبل واقفة بقالى نص ساعة والشنطة تقيلة وكان عندى امتحان
وقعدت اقول فين الشهامة فين الرجولة
كتكوا نيلة شباب وتقريبا كان عندى ضربة شمس
المهم بعدها بخمس دقايق وقفلنا ميكروباص وصحباتى ركبونا ومفضليش مكان
ومكنتش هينفع نتزنق جنب بعض لان كان فيه شباب
وكنت لسه هقفل الباب لقيت واحد نزل وركبنى
بجد والله كنت هعيط لانى كنت تعبانة وعلى آآخرى
ومن يومها كل اما افتكره ادعيله بالخير جزاه الله خيرا .

….

وده موقف لواحدة صحبتى .

…

بتقول كنت راحة آزور جدتى وكنت لوحدى
وبعدين ركبت الميكروباص وف نص الطريق قلت اطلّع الأُجرة
وبدور فى الشنطة ملقتش المحفظة يـــــــــــــــــآآلهوى اعمل إيه ؟
يارب ساعدنى يارب ساعدنى .
ولحسن الحظ كانت قاعدة ورا السواق علطول
قامت قايلاله بصوت واطى “والله يا عمو انا آآسفة نسيت الفلوس ف البيت ”
قالها: ” مفيش حاجة عادى ده انت زى بنتى ”
وكل اما اركب معاها تفكرنى بيه وتقولى اعمليلك شغله وادعيله
وتقول ربنا يكرمه ويوسع رزقه الحمد لله انه مأحرجنيش .

شوفتى بقى احنا منعرفهمش وهما كمان
بس بندعي لهم بكل خير

وبرضه لما حد يقولك مثلا عاوز اشرب او اعمليلى ذا
متعمليش اف اف اف افففف
واعرفى انك بتعملى حاجة ممكن تاخدى عليها ثواب .

وتخيلى حاجات بسيطة بنعملها يوميا ممكن تجمعلنا حسنات كتير
زى ترتيبك للبيت … ابتسامتك … تحفيظك قرآآن لاخوك أو اختك … والامثلة طبعا كتير