انتى ازاى بتتكلمى كدا مع المستر ؟ …يابنتى عادى داحنا صحاب 2019
بصو انا مش هعمل زي كل موضوع انا هدخل علي طوول
طبعا احنا كتير بنشوف في المدرسه
ان في بنات كتييير بتتكلم مع المستر كلنو واحد صحبهم كدا عادي
يعني انا مره شفت بنات رايحين للمستر كدا
وبيقولوا ازيك يا مستر …عامل ايه
هتقولولي طبعا دا عادي
هقولكوا انتو لو شفتو الطريقه الي بتتكلم بيها
والضحكه المجلجه ماشاء الله ههههههههه
والمستر اصلا مش طايقهم..المهم بيسألهم انتو جاين ليه
قالولوا احنا جيين نقعد معاك شويه!!!!!!
علي اساس يعني اننا بنتفسح في ستي ستار
اييييييه …. دي مدرسه
امهم المستر قالهم طيب مش انتو عندكم حصص
قالولوا لا اصل المدرس لسه ماجاش فقولنا نيجى نسلم عليك
طبعاً كلنا عملنا كدا من الموقف……
اول مره نشوف كدا
المهم دخلوا وقعدوا …يهزروا ويضحكوا ويتكلموا مع المستر
كانه واحد زميلهم كدا …وف الآخر لما لقوا المستر
مطنشهم خدوا بعضهم وقاموا
ونفس الضحكة المجلجلة …هههههههههههه
ومن دا كتيييير
ومثلا لما تيجي تقولي لوحده انتي بتخدي درس مثلا علوم عند مين
هتقولك عند مستر فلان
تقوللها طيب ليه في احسن منو مس فلانه
تقولك مس فلانه ايه دي انتي مش شايفه المستر دا قمــــــــــر
طيب الشرح……. تقولك بلا شرح بلا بتاع بقي
والمهم خلصنا كلامنا ومشت
بصراحة انا عمرى ما شوفت كدا
وعلى فكرة يا بنات …البنات الى بيعملوا كدا بيبقى المدرسين عارفينهم
وعارفين طريقتهم كويس وبيقولوا عليهم كلام مش حلو خالص
فليه يا قمرة تعملى كدا وتخلى المدرسين ياخدوا فكرة وحشة عنك وعن اخلاقك ؟؟
احذروا يا بنات من الطريقة دى ..لانها بتبقى مش كويسة ابداً
وتخلى الناس تتكلم عليكى بطريقة مش كويسة
وفى النهاية اتمنى اكون افدتكم بحاجة
وبنصيحة صغنونة
وتصبحوا على خير