انا وانتي وخلان الرخا والباب والبواب
انا وانتي وخلان الرخا والباب والبواب
….. تعب منا الوقوف ومل قفل الباب من بابه
على ذيك المحابس لانتهى صبر الحديد وذاب
….. غدا بابه لعثرات الندم والخوف بوابه
دلفتي باب خفاقي بخطوة خايف مرتاب
….. وفي يمناك حلم من حلم به ماتهنابه
هلا بك كثر طعنات الحبيب لوافي الاحباب
….. كثر ماغاب سيفه من وفاه لمقبض نصابه
وكثر مالبس من ثياب السذاجه والغبا جلباب
….. وكثر مادك فكري هاجس سراه ودوابه
وكثر ماحمل منالآثام سبة كل ظن خاب
….. وكثر ماصار برقبة الفقير الخايف طلابه
تعالي وامتطي صهوة خيال لامشى ينساب
….. يدلك من حياتي ما يسر الناس واشقابه
على بيداء الضمير اللي هواها بالجفا هباب
….. ذوت منه الحشاشه والسنين العجف ترعابه
مع هم سكن عوج الحنايا لين كبر وشاب
….. وباقي مهجتي بيدين حزني راحت نهابه
وتلقاني مع ذيك المهالك ماحسبت احساب
….. احسب العدل في كف تطيش بلهجة الغابه
بدون اسباب يمشي طيب النيه بدون اسباب
….. مع درب اللكاعه وهقه صدقه ولاثابه
مع ذاك الطريق المزدوج بالحب والأعجاب
….. يوديه الطريق وكل ماوداه ماجابه
تبقاله ثقة صوت يهيم بسحره الجذاب
….. لحاله لو ضجيج الناس عند الناس متشابه عثــرات الندم