الــعــمــر سـاعـه وتـحـكـمـنـا ثـوانـيـهـا ..

دقيقة واحدة

صبآحكم سعاده وهدوووء ..

يمر الوقت ومانحسب حسابـه والعمـر يجـري ..
ولا ندري متـى نرحـل مـن الدنيـا ومافيهـا ..

عجب شفت من الدنيا هموماً ضيقـت صـدري ..
وشفت البعض يتسلى على جروحـي ويحييهـا ..

إذا بعض البشر يهنى علـى غيـرهـ ولا يـدري ..
ترى أقسى من قسى الصخرهـ عيون الناس نبكيها ..

أبي أفهم متى العالـم تحـس وترفـق بعمـري ..
عجزت أفهم مشاعرهم وبعض النـاس يخفيهـا ..

أضحك بوجههم دايم وسقيت الحلو مـن مـري ..
وأشوف وجيههم تعبس بشوفـي وأنـا أداريهـا ..

قريت الظلم بعيون البشر من هـول مايجـري ..
وشفت البعض يستانس على نفسـي وشقاويهـا ..

أبروز داخل عيوني بقايا مـن صـور قهـري ..
وأكسرها على أهدابـي بقايـا دمـوع أهليهـا ..

أواسي الناس بالضيقه واتحمل حمـل ظهـري ..
ونفسي بساعـة الضيقـه أدور مـن يواسيهـا ..

وحيد بصحبة أوراقي ومرسم كم نزف شعـري ..
وبقايا من قصايد حب عجزت أوصـل معانيهـا ..

خطاي إني وفيت بقلب سرى صدقه مثل يسري ..
بعرقي دمي وأتعايـش مـع نفسـي وأحاكيهـا ..

أسولف مع نجوم الليل وذاك الساهـر القمـري ..
وأسترجع سوالف حب ذبحنـي ذكـر ماضيهـا ..

أفتش عن حضورالحزن وأشوفه حاضراً بدري ..
وأفراحي نسـت ……….. مثـل ماكان ناسيهـا ..

كثيرهـ أحزان هالدنيا كثر هـذا الرمـل وأدري ..
أبـد مايـوم أنـا تهنيـت بأيامـي ولياليـهـا ..

أعشم نفسي في بكرهـ ولكـن هالبخـت عثـري ..
تعبت منـي أقدامـي علـى بكـره بخطاويهـا ..

تعبت أحلم وأتوهم وضاع العمر مـن عمـري ..
كفايـهـ ماتـت أحلامـي وأنـا لليـوم أرثيهـا ..

دفنت بداخلي حلماً بنيته مـن عـرق صبـري ..
تخيل كم صبرت سنين وكـم طاحـت مبانيهـا ..

خلاص الوقت مايرجـع هـذاحظـي وقـدري ..
مـدام إن العمـر ساعـهـ وتحكمهـا ثوانيـهـا ..

الوسوم

دقيقة واحدة